LEVÍTICO 19:21 - Dios Rimashca Shimicunami

²¹ Chai runa mana cazushcamantaca shuj carnerota, Mandaj Dioshuan tupana carpa huasi pungupi Mandaj Diosman cuchun.

LEVÍTICO 19:21 Iomraidhean Croise

LEVÍTICO 19:22

Chai juchamanta cushca carnerota cura cushpami, Mandaj Dioshuan alli tucunacuchinga. Chashna chai juchamanta Mandaj Diosman cujpimi, chai runa chashna juchallishca juchataca perdonanga.

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

LEVÍTICO 5:7

Chai juchamanta cuna cashcata Diosman cungapaj malta ovejata mana charishpaca, ishqui urpita cashpa, ishqui palomata cashpa apamuchun. Shujtaca juchamanta cuna cashcata cunapaj, caishujtaca tucuita cushpa tucui rupachinapaj apamuchun.

LEVÍTICO 6:1

Mandaj Diosca Moisestaca cashnami nirca: