LEVÍTICO 19:19 - Dios Rimashca Shimicunami

¹⁹ Ñuca mandashcacunata huaquichingui. Cambaj animaltaca mana chaipurallataj caj animalhuanca ama japichingui. Cambaj chagrapipish, shujtaj shujtaj muyuhuan chagruca ama tarpungui. Ch'ican ch'ican puchcacunahuan rurashca churanatapish ama churangui.

LEVÍTICO 19:19 Iomraidhean Croise

GÉNESIS 36:24

Zibeonpaj churicunaca Aja, Aná shuticunami carca. Chai Anami paipaj yaya Zibeonpaj burrocunata shitashca pambapi michicushpaca, achca yacu t'imburishpa llujshicujta japirca.

2 SAMUEL 13:29

Absalonpajta rurajcunaca pai mandashca shinallatajmi Amnontaca rurarcacuna. Chaimi, jatun mandajpaj churicunaca tucuicuna jatarishcahuan paicunapaj quiquin mulacunapi tiyarishcahuan callpashpa miticugrircacuna.

2 SAMUEL 18:9

Absalonca Davidpajta rurajcunahuanmi tuparca. Paica mulapi montashca ricushcamantami chai mulaca ramacuna junda encina yura ucuta rijpi, Absalonca yura ramapi cunga churarishpa huarcurishca saquirirca. Mulaca callpashpa rircallami.

1 REYES 1:33

Chaimi jatun mandajca: –Cancunapaj amopajta rurajcunata pushashpa ñuca mulapi ñuca churi Salomonta tiyachishpa Gihonman pushaichij.

ESDRAS 2:66

Chai tigramujcunapajca 736 caballocuna, 245 mulacuna,

LEVÍTICO 18:4

Ñuca mandashcacunata chaitataj pajtachina yuyailla ruranguichij. Ñuca chaitataj pajtachichun nishcacunata huaquichishpa, chaipi nishca shinataj puringuichij. Ñucami Mandaj Dios cancunapaj Taita Dios cani.

LEVÍTICO 19:37

Ñuca chaitataj pajtachichun nishcacunata, ñuca tucui mandashcacunata huaquichishpa chaitataj pajtachina yuyailla ruranguichij. Ñucami Mandaj Dios cani” nircami.

LEVÍTICO 20:8

Ñuca chaitataj pajtachichun nishcacunata huaquichishpa chaitataj pajtachina yuyailla ruraichij. Mandaj Dios ñucami cancunataca ñucapajlla cachun ch'icanchij cani.

LEVÍTICO 22:31

Ñuca mandashcacunata huaquichishpa, chaitataj pajtachinguichij. Ñucami Mandaj Dios cani.

LEVÍTICO 25:18

Ñuca chaitataj pajtachichun nishcata, ñuca mandashcacunata pajtachina yuyailla tucushpa chaitataj ruraichij. Chashna rurashpaca chai llajtapica, imata mana manchashpami causanguichij.

Lucas 5:36

Yuyachij shuj parlohuanpishmi cashna nirca: –Pipish mushuj churanata p'itishpa mauca churanataca mana llachapanchu. Chashna rurashpaca, mana mushuj churanallata lliquishpa llaquichinchu. Mushujpish maucapica mana alli ricurinmanchu.

Romanos 11:6

Imata mana rurajpipish, mana c'uyaipajta c'uyashpami agllan. Rurashcacunamanta agllashca cajpica, mana c'uyaipajta c'uyashpa agllashca mana canmanchu. Rurashcacunamanta agllashca cajpica, mana c'uyaipaj cajpipish c'uyashcaca mana canmanchu. Chashna cajpica rurashcacunahuan mana c'uyaipajta c'uyaihuanca mana chai shinallatajchu.

DEUTERONOMIO 4:1

Cunanca tucui israelcuna caita uyaichij: Chaitataj pajtachichun nishcacunata, pajtachinguitaj nishcacunataca cancuna chaitataj pajtachishpa causachunmi yachachircani. Cunanca cancunapaj ñaupa yayacunaman Mandaj Dios cushca llajtaman ña yaicushpaca chashna pajtachishpallami chaipica causanguichij.

DEUTERONOMIO 4:5

Riquichij, ñucaca chaitataj pajtachichun nishcacunata, pajtachinguitaj nishcacunata Mandaj Dios ñuca Taita Dios mandashca shinallatajmi cancunamanca yachachircani. Chaitaca cunan cancunapaj cachun japigrin llajtaman yaicushpa pajtachishpa causachunmi yachachircani.