LEVÍTICO 19:14 - Dios Rimashca Shimicunami

¹⁴ Rinrin mana uyajcunataca imatapish nishpa ama chanzata ruranguichij. Ñahui mana ricuj ñitcachunpish ama imata churanguichijchu. Ashtahuanpish cancunapaj Taita Diosta manchanguichij. Ñucami Mandaj Dios cani.

LEVÍTICO 19:14 Iomraidhean Croise

GÉNESIS 42:18

Quimsa punlla tucujpimi Joseca: –Ñucaca Taita Diosta manchajmi cani. Cancuna ama huañungapajca caita ruraichij:

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

SALMOS 111:10

Yachaipaj callarica, Mandaj Diosta manchanami. Pai mandashcacunata rurashpa causajcunaca alli yuyaicunatami charincuna. Mandaj Diosta alabanaca huiñaipajmi.

LEVÍTICO 19:15

Maijan ima mana allita rurashcata allichichun nijpica, imata mana charij huajchapuralla ama tucunguichijchu. Achcata charijpurallapish ama tucunguichijchu. Ashtahuanpish maijanmanpish ama tucushpa, imatapish cashcata ricuchinguichij.

LEVÍTICO 19:32

Puzujlla uma yuyajcunataca paicunapaj ñaupajpi shayarishpa alli ninguichij. Cambaj Taita Diosta manchanguichij. Ñucami Mandaj Dios cani.

LEVÍTICO 25:17

Maijanpish pita ama umanguichijchu. Ashtahuanpish cancunapaj Taita Diosta manchanguichij. Ñucami Mandaj Dios cancunapaj Dios cani.

Romanos 12:14

Cancunata catirashpa llaquichijcunataca, ama llaqui tucushca canman nichijchu. Ashtahuanpish alli cashca cachun nichij.

Romanos 14:13

Chaimanta caishuj chaishuj ama ashtahuan juchachinacushunchijchu. Ashtahuanpish huauquita ñitcachinata, tsagnarichishpa urmachinataca ama yuyashun ninacuichij.

1 Corintios 10:32

Judiocunapajpish, mana judiocunapajpish, Diospaj tandanacushca crijcunapajpish ama ñitcana caichijchu.

DEUTERONOMIO 27:18

Ñahui mana ricujta shujtaj ñanta cachaj runaca llaqui tucushca cachun nijpica, tucuicuna: Chashnataj cashca cachun ninguichij.

1 Pedro 1:17

Tucui imalla rurashcata, mana ñahuita ricushpalla ricuchij Diosta Yaya nishpa mañajcuna cashpaca, cai pachapi pasacujlla shina causashcacamaca tucuipi paita manchashpa causaichigari.

1 Pedro 2:17

Tucuicunahuan alli caichij. Huauquicunata c'uyaichij. Diosta manchaichij. Jatun mandajtapish cazuichij.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.