LEVÍTICO 19:12 - Dios Rimashca Shimicunami

¹² Cancunapaj Taita Diospaj shutita yanganchishpa, manapish pajtachingapaj pajtachishatajmi nishpa ñuca shutipi ama ninguichij. Ñucami Mandaj Dios cani.

LEVÍTICO 19:12 Iomraidhean Croise

SALMOS 15:4

Mana alli ninataj cajpi mana alli nij, Mandaj Diosta manchajcunata alli nij, imata ari nishcataca paipaj mana alli cajpipish chaitataj pajtachij,

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

ISAÍAS 48:1

Jacobpaj huahuacuna, caita uyaichij. Cancunaca Israel shutitami apanguichij. Judapaj huahua huahuacuna, caita uyaichij. Mandaj Diospaj shutipi imatapish pajtachishami nijcuna caita uyaichij. Cancunaca israelcunapaj Diosta yuyarijcunami canguichij. Paita yuyarina shinatajca mana ruranguichijchu. Cashcatatajca mana ruranguichijchu.

JEREMÍAS 34:16

Shina cashpapish cutin yuyarishpamari, paicuna imatapish ruragrichun cacharishpa cachashca c'aricunatapish, huarmicunatapish cutinllataj japinguichij. Chaimantaca cutinllataj servichishpamari, huatashcata shina charicunguichij. Chashna rurashpaca, ñuca ñaupajpi ari nishcata p'aquishpa, ñucatami yangata rurarcanguichij” ninmi.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

JEREMÍAS 5:2

Maijancuna: Mandaj Dios ricucunmi nishpapish, yangallami chashna nincuna” ninmi.

JEREMÍAS 7:9

Chaimantami shuhuashpa, huañuchishpa, huainayashpa, llullangapaj ñuca shutita rimashpa, Baalmanpish inciensota cushpa rupachinguichij. Cancuna mana rijsishca, shujtajcunapaj dioscunatapishmi catinguichij.

LEVÍTICO 18:21

Cambaj churitaca Moloc nishca rurashcalla diosman cushpa ama rupachinguichu. Chashna rurashpaca, cambaj Taita Diospaj shutitami yanganchingui. Ñucami Mandaj Dios cani.

LEVÍTICO 20:3

Chai runahuan p'iñarishpami paitaca israelcunapuramanta anchuchisha. Moloc nishca diosman paipaj churita cushpa, ñucapajlla ch'icanchishca huasita mapayachishcamanta, jucha illaj ñuca shutitapish yanganchishcamantami chashna rurasha.

LEVÍTICO 24:11

Chaipimi Israel huarmipaj churica, Mandaj Diosta c'amishpa paipaj shutita yanganchishpa rimarca. Chaimantami paitaca Moisespajman pusharcacuna. Chai runapaj mamaca, Danpaj aillumanta caj Dibri runapaj ushushi Selomitmi carca.

LEVÍTICO 6:3

mana cashpaca ima jichushcata tarishpapish manataj japishcanichu nishpa mana japishca shina tucushpa mana tigrachingachari, chashnacunapi llullanata yachashpaca chashna juchallishpa causanapimi amañarin.

ZACARÍAS 5:3

Shina nijpimi, chai angelca cashna nirca: “Chaipica tucui cai pachapi causajcunapaj llaquitami quillcashca tiyacun. Ñaupaj ladoman nishca shinaca, shuhuajcunataca chingachishcami cangacuna. Huasha ladoman nishca shinaca mana llullanchijchu nishpa umajcunatapish chingachishcami cangacuna.

ZACARÍAS 5:4

Tucuita Mandaj Diosca cashnami nin: Chai jatun llaquicunataca ñucami cacharcani. Chai jatun llaquica shuhuacunapaj huasimanpish, ñuca shutipi yangamanta llullajcunapaj huasimanpishmi chayanga. Paicunapaj huasicunataca caspicunatapish, rumicunatapish tucuimi p'aquishpa ñutungacuna ninmi” nircami.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

DEUTERONOMIO 5:11

Mandaj cambaj Taita Diospaj shutipica manapish rimanapica ama rimangui. Paipaj shutita manapish rimanapi rimajtaca llaquichingatajmi.

Santiago 5:12

Ñuca huauquicunalla, cai tucuipaj q'uipaca jahua pacha nishpa, cai pacha nishpa, ima shujtajta nishpapish ama rimarichijchu. Chaipaj randica ama llaquichishca cangapaj, cancuna “ari nishcaca” ari cachun “mana nishcaca” mana cachun.