LEVÍTICO 19:11 - Dios Rimashca Shimicunami

¹¹ Ama shuhuanguichijchu, ama llullanguichijchu, caishuj chaishuj ama umanacunguichijchu.

LEVÍTICO 19:11 Iomraidhean Croise

2 SAMUEL 17:20

Absalonpajta rurajcuna chai huarmipaj huasiman chayashpaca: –¿Ahimaashuan, Jonatanhuanca maipitaj?– nishpa tapujpi chai huarmica: –Ñami ashalla yacu ricunta ch'imbashca canga– nijpi paicuna rishpa mashcashpapish mana japishpaca Jerusalenllamantajmi tigrarcacuna.

1 REYES 13:18

Chaimi chai runaca: –Ñucapish can shinallataj, profetami cani. Mandaj Dios cachashca shuj angelmi ñucataca: Chai runataca cambaj huasiman pushashpa micunatapish carai, yacutapish ubyachi nirca– nishpami llullarca.

SALMOS 101:7

Umajcunaca ñuca huasi ucupica mana causangacunachu. Llullana yuyailla cajcunaca ñuca ñaupajpica mana cai tucungacunachu.

SALMOS 116:11

Utcami cashna nircani: “Tucui gentecuna llullacunami” nirircanimi.

ÉXODO 20:15

Ama shuhuangui.

ÉXODO 20:16

Ama pitapish p'iñashpa manapish cashcata llullashpa llaquipi churangui.

ÉXODO 20:17

Shujtajpaj huasita, paipaj huarmita cashpa, paipajta rurajta cashpa, pai huiñachishcata cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

ÉXODO 22:1

Maijanpish shuj huagrata cashpa, shuj ovejata cashpa, shuhuashpa huañuchishca cajpi, mana cashpaca c'atushca cajpica, huagramantaca pichca huagrata pagachun. Ovejamantaca chuscu ovejata pagachun.

ÉXODO 22:7

Maijanpish shujtaj runaman cullquita cashpa, ima shujtaj achca valijcunata cashpapish huaquichichun mingajpica, chai runapaj huasimanta shuhuajpica, chai shuhuajta japijpica, chai shuhuajca shujtaj chai valillahuantaj tigrachichun.

ÉXODO 23:1

Manapish cashcata llullashpa huillanapaj ama ari ningui. Millaita rurajhuan llulla testigo tucungapaj ama shuj yuyailla tucungui.

PROVERBIOS 24:28

Mandajcunapaj ñaupajpi ama pitapish yanga llullashpa llaquipi churanguichu. Cambaj shimihuanca ama pita umanguichu.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

LEVÍTICO 19:10

Uva chagrapi uvata pallashpapish ama mashcashpurishpa pallangui. Pambapi urmashcatapish ama pallangui. Chaicunataca huajchacunapish, caru llajtamanta shamushcacunapish ch'alachun saquingui. Ñucami Mandaj Dios cancunapaj Taita Dios cani.

Romanos 3:4

¡Manataj chashnachu! Tucui gentecuna llulla cajpipish, Taita Diosca mana llullachu. Cashnami quillcashca tiyacun: “Quiquin cashcata ruraj cashcataca cambaj shimicunami ricuchin. Quiquinta juchachijpipish mishanguillami” ninmi.

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

Efesios 4:28

Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.

DEUTERONOMIO 5:19

Ama shuhuangui.

Colosenses 3:9

Caishuj, chaishuj ama llullanacuichijchu. Cancunapaj mauca causaitaca, rurashcacunandij anchuchishpa,

1 Timoteo 1:10

huainayajcunapajmi, c'aripura millaita rurajcunapajmi, gentecunata shuhuajcunapajmi, llullashpa llaquichijcunapajmi, alli yachanata jarcajcunapajpishmi cushca cashca.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.