LEVÍTICO 19:10 - Dios Rimashca Shimicunami

¹⁰ Uva chagrapi uvata pallashpapish ama mashcashpurishpa pallangui. Pambapi urmashcatapish ama pallangui. Chaicunataca huajchacunapish, caru llajtamanta shamushcacunapish ch'alachun saquingui. Ñucami Mandaj Dios cancunapaj Taita Dios cani.

LEVÍTICO 19:10 Iomraidhean Croise

ISAÍAS 17:6

Olivota pallajcuna olivo yurata cuyuchishpa pallacujpi huaquin ramacunapica ishqui, mana cashpaca quimsami saquirin. Ashtahuan alli achcata p'ucuj ramapica chuscu, mana cashpaca pichcami saquirin. Chai shinallatajmi israelcunaca, caipi chaipi huaquincunalla saquiringacuna ninmi israelcunata Mandaj Diosca.

ISAÍAS 24:13

Tucui cai pachapi causajcuna, tucui gentecunami olivos yurata chaspishpa cozichashca aceituna shina ashalla canga. Uvata pallashca q'uipa ch'alanapaj huaquincunalla saquirishca shinami canga.

JEREMÍAS 49:9

Uvata pallajcuna, uvata japicushpaca huaquin granocunallatapish saquintajmari. Shuhuacuna tuta shamushpapish, paicuna apasha nishcallatami apancuna.

LEVÍTICO 11:44

Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 19:11

Ama shuhuanguichijchu, ama llullanguichijchu, caishuj chaishuj ama umanacunguichijchu.

LEVÍTICO 19:25

Ña pichca huata tucujpi chai yurapi p'ucushcacunataca micunguichij. Chai yuracunapi ashtahuan ñuca p'ucuchichunmi chashna micuna canguichij. Ñucami Mandaj Dios cancunapaj Taita Dios cani.

LEVÍTICO 19:9

Cambaj allpapi granota tandai punllacuna tandacushpaca, ama maipi tiyajta tucuita tandanguichu. Pambapi urmashca granotapish ama pallanguichu.

LEVÍTICO 23:22

Cambaj allpapi granota tandai punllacuna tandacushpaca, ama maipi tiyajta tucuita tandanguichijchu. Pambapi urmashca granotapish ama pallanguichijchu. Chaicunataca imata mana charij huajchacuna, shujtaj llajtamanta shamujcunapaj saquinguichij. Ñucami Mandaj Dios cancunapaj Dios cani ninmi ni” nircami.

LEVÍTICO 25:6

Allpacunata samachicui huatapi ñau p'ucushca granoca cambaj, cambajta ruraj c'aripaj, cambajta ruraj huarmipaj, can huiñachishcapaj, canhuan causaj mana israelpajpish micunapajmi canga.

ABDÍAS 1:5

Cambajman shuhuacuna tuta shamushpa, can imalla charishcataca shuhuashpapish ¿manachu paicuna apana pajtallata shuhuanmancuna? Uvata tandajcuna tandashpapish ¿manachu ch'alanallatapish saquinmancuna? (¡Ashtahuanpish cantaca tucuimari chingachishcacuna!)

MIQUEAS 7:1

¡Aij ñucalla! Granocunata usya tucui tandashca q'uipa ch'alata mashcashpa purij runa shinamari cani. Shinallataj uvata tucui tandashca q'uipa ch'alagrishpa imata mana japij shinamari cani. Ñucaca punta p'ucushca granota micushami yuyarcanimari.

DEUTERONOMIO 24:19

Cancunapaj chagrapi cozicha punlla cozichacushpa, maijan gavillata cungashca cashpaca ama apanaman tigranguichijchu. Chaica shujtaj llajtamanta shamujcunapaj, yaya mama illaj huahuacunapaj, viudacunapajpishmi canga. Chaitaca Mandaj Dios cancunapaj Taita Dios cancunapaj maquihuan tucui imalla rurashcacunapi allicunata cuchunmi chashna rurana canguichij.

DEUTERONOMIO 24:20

Olivos yurata cuyuchishpa cancuna olivosta tandacushpaca ramacunapi saquirishcacunata japinaman ama tigranguichijchu. Chaicunaca shujtaj llajtamanta shamujcunapaj, yaya mama illaj huahuacunapaj, viudacunapajmi canga.

DEUTERONOMIO 24:21

Cancunapaj uvata pallacushpapish, ama maipi tiyajta mashcashpa pallanguichijchu. Chaicunaca shujtaj llajtamanta shamujcunapaj, yaya mama illaj huahuacunapaj, viudacunapajmi canga.

JUECES 8:2

Chaimi Gedeonca: –Cancuna rurashcahuan ch'imbapurashpa ricujpica ¿ima mana allitataj rurashcani? Efrainpaj aillu ch'alamushcaca ¿manachu Abiezer cozichashcata yalli alli?

RUT 2:2

Ña chaipi cashpami shuj punllaca Rutca, paipaj suegra Noemitaca: –Maijancuna cozichacunpi ch'alagrisha. Paicuna llaquishpa ch'alachun saquingapishchari, cachahuai– nijpi, paipaj suegraca: –Rilla huahua– nirca.