LEVÍTICO 18:9 - Dios Rimashca Shimicunami

⁹ Cambaj quiquin panitaca ama llatanashpa ricungui. Cambaj yayamanta cashpa, cambaj mamamanta cashpa panitaca huasi ucupurapi huacharishca cajpi, mana huasi ucupurapi huacharishca cajpipish ama llatanashpa ricungui.

LEVÍTICO 18:9 Iomraidhean Croise

EZEQUIEL 22:11

Tucuicunallatajmi shujtajpaj huarmihuan, millanana juchata rurarcacuna, quiquin nuerahuanpish millai munaita rurashpa mapayachircacunami. Shinallataj yayamanta lapanitapish japirircallami.

LEVÍTICO 18:10

Cambaj churipaj ushushita cashpa, cambaj ushushipaj ushushita cashpa ama llatanashpa ricungui. Quiquin aichapura cashcamantami mana llatanashpa ricuna cangui.

LEVÍTICO 18:11

Cambaj yayapaj huarmipaj ushushitaca ama llatanashpa ricungui. Cambaj yayapaj ushushi cashcamanta quiquin pani cashcamanta ama chashna rurangui.

LEVÍTICO 20:17

Maijanpish yayamanta cashpa, mamamanta cashpa paipaj panita llatanashpa ricujca, chai panipish paipajta ricujca millananatami ruran. Chaimanta paicunataca tucui israelcuna ricucunpi huañuchichun. Paipaj panita llatanashpa ricushca juchamantaca paillatajmi llaquita apanga.

DEUTERONOMIO 27:22

Yayamanta cashpa, mamamanta cashpa lapanihuan siririjca llaqui tucushca cachun nijpica, tucuicuna: Chashnataj cashca cachun ninguichij.