LEVÍTICO 18:8 - Dios Rimashca Shimicunami

⁸ Cambaj yayapaj huarmitaca ama llatanashpa ricungui. Cambaj yaya llatanashpa ricunami.

LEVÍTICO 18:8 Iomraidhean Croise

GÉNESIS 35:22

Yaya Israel ña chaipi causacujpimi, Rubenca paipaj yayapaj Bilha shuti caishuj huarmipajman rishpa paihuan dormirca. Chaitaca yaya Israelca yachaj chayarcami. Yaya Israelpaj churicunaca chunga ishquimi carca.

GÉNESIS 49:4

T'imburicuj yacu shina cashcamanta ña mana punta churichu cangui. Yayapaj camaman huichiyashcamanta ña mana punta churichu cangui. Camaman huichiyashpa ñucata yanganchishcamanta ña mana punta churichu cangui.

EZEQUIEL 22:10

Quiquin yayapaj huarmihuanmi huainayarcacuna, quilla ungüihuan ungushca huarmihuanmi chayarircacuna.

LEVÍTICO 20:11

Maijanpish paipaj yayapaj huarmihuan siririjca, paipaj yaya llatananatami llatanan. Chaimanta c'aritapish huarmitapish huañuchichun. Chai yahuarca paicunapaj jahuallatajmi.

AMÓS 2:7

Imata mana charij huajchacunataca, ñutu allpapi singuchishpa saruj shinami llaquichincuna. Cashcata ruraj runapaj allita ruranataca mana yuyancunachu. Yayapish, churipish chai huarmillahuantajmi siririnllacuna. Chashna rurashpami ñuca, jucha illaj shutitaca mapayachincuna.

1 Corintios 5:1

Cancunapurapica, huainayaj tiyan nishcami uyarin. Chaica yayapaj huarmihuanmi causacun ninmi. Chashnataj huainayajcunaca, Diosta mana rijsijcunapurapipish manamari uyarinchu.

DEUTERONOMIO 22:30

Yayapaj huarmitaca ni pi ama paipaj huarmi cachun japichun. Yayapaj camatapish ni pi ama mapayachinguichijchu.

DEUTERONOMIO 23:1

Lulun llapirishca cashpa, mana cashpaca paipaj charishca aichata p'itishca cashpaca Mandaj Diospaj tandanacuimanca ama yaicuchun.

DEUTERONOMIO 27:20

Maijanpish paipaj yayapaj huarmihuan siririshpa paipaj yaya llatanashpa ricunata ricujca llaqui tucushca cachun nijpica, tucuicuna: Chashnataj cashca cachun ninguichij.