LEVÍTICO 18:3 - Dios Rimashca Shimicunami

³ Cancuna causacushca Egiptopi causajcuna rurashca shinaca ama ruranguichijchu. Ñuca cancunata cunan Canaán llajtaman pushacun llajtacuna ruraj cashca shinapish ama ruranguichijchu. Paicunapaj mandashcacunapi nishcacunatapish amataj ruranguichijchu.

LEVÍTICO 18:3 Iomraidhean Croise

2 REYES 17:8

Paicunaca Mandaj Dios paicunapaj ñaupajmanta anchuchishca llajtacunapaj mandashcacunatapish, Israel llajtata jatun mandajcuna paicunapaj yuyaimanta rurashca mandashcacunatapishmi rurarcacuna.

SALMOS 106:35

Ashtahuanpish Taita Dios ama chagruringuichij nishca llajta gentecunahuanmi chagrurircacuna. Paicuna rurashca shina ruranatami yacharcacuna.

ÉXODO 23:24

Paicunapaj dioscunapaj ñaupajpica ama cumuringuichijchu, ama paipajta ruranguichijchu. Paicuna rurashca shinapish ama ruranguichijchu. Ashtahuanpish chai dioscunataca tucuita chingachinguichij. Rumimanta imamanpish rijchajcunata rurashcacunatapish tucuita ñutunguichij.

EZEQUIEL 23:8

Egipto llajtapi causajcunahuan huainayanataca manataj saquircachu. Chairaj huambra cashcamantapachami, Ahola huarmica paihuanca siririrca. Paicunami pipish manaraj lutsashca chuchucunatapish lutsarcacuna. Chashnami paihuanca yallitaj huainayarcacuna.

LEVÍTICO 20:23

Cancunapaj ñaupajmanta ñuca llujshichishpa cachana llajtacuna rurashca shinaca ama ruranguichijchu. Paicunaca chashna millananacunata rurashcamantami ñucapajca millananacuna carca.

Romanos 12:2

Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.

DEUTERONOMIO 12:4

Ashtahuanpish Mandaj Dios cancunapaj Taita Diosta adoranataca mana paicuna shina maipipish ruranachu canguichij.

DEUTERONOMIO 29:17

Paicunaca caspimanta, rumimanta, cullquimanta, curimanta rurashca dioscunata adorashpa, millananacunata ruraj cashcatapish ricurcanguichijmi.

DEUTERONOMIO 9:4

Mandaj Dios cancunapaj Taita Dios chai llajtapi causajcunata cancunapaj ñaupajmanta anchuchijpica ñataj cancunapaj shungupica: Ñucanchijtaca cashcata rurajcuna cajpimi, Mandaj Diosca cai llajtata japichun pushamushca niringuichijman. Mandaj Diosca chai llajtapi causajcunaca millaita ruraj cajpimi cancunapaj ñaupajmantaca llujshichinga.