LEVÍTICO 17:5 - Dios Rimashca Shimicunami

⁵ Chaitaca maipipish Mandaj Diosman cushpa rupachicuj israelcuna, ama chashna rurashpa, ashtahuanpish Mandaj Dioshuan tupana carpa huasi punguman curapajman apamunata yachachun chashna mandashcami. Chaiman apamujpimi, sumaj causaimanta cuna cashcataca Mandaj Diosman cura cunga.

LEVÍTICO 17:5 Iomraidhean Croise

GÉNESIS 21:33

Abrahamca Beerseba pambapi shuj tamarisco yurata tarpushpami, huiñaita causacuj Mandaj Taita Diosta chaipi mañaj carca.

GÉNESIS 22:13

Shina nijpi Abraham ricunapajca, paipaj huashanijpi shuj carnero zarza casha yurapi gachucuna churarishpa shayacujtami ricurca. Abrahamca chai carnerota japishpami, paipaj churipaj randi Taita Diosman cushpa tucui rupachirca.

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

GÉNESIS 31:54

Chai q'uipami Jacobca, chai urcupi Taita Diosman animalcunata cushpa huañuchishpa rupachirca. Jacobca tucui paipaj familiacunatami micuchun cayarca. Paicunaca chaipi micushpaca chai tutaca chaillapitajmi dormircacuna.

1 REYES 14:23

Tucui lomacunapi, tucui p'angasapa yura ucucunapimi, altarcunata, rumimanta imamanpish rijchajcunata, Asera huarmi diosman rijchajcunatapish rurarcacuna.

1 REYES 3:2

Chai huatacunacamaca Mandaj Diospaj huasi manaraj tiyajpimi, israelcunaca lomacunapi rurashca altarcunapi sacrificiota Diosman cujcuna carca.

1 REYES 3:3

Salomonca paipaj yaya David chaitataj pajtachichun nishca shinallataj causashpami Mandaj Diostaca c'uyarca. Shina cashpapish lomacunapi rurashca altarcunapimi sacrificiotapish inciensotapish Diosman cushpa rupachirca.

2 REYES 16:4

Shinallataj Acazca lomacunapi tiyaj altarcunapipish, urcucunapipish, uchilla lomacunapi tiyaj altarcunapipish, tucui p'angasapa yura ucucunapi tiyaj altarcunapipishmi sacrificiota cushpa inciensotapish rupachirca.

2 REYES 17:10

Shinallataj rumimanta imamanpish rijchajta rurashcacunatapish, Asera huarmi diostajlla rumi diostapish rurashpami tucui lomacunapi, tucui p'angasapa yura ucucunapi churarcacuna.

2 CRÓNICAS 28:4

Shinallataj Acazca lomacunapi tiyaj altarcunapipish, urcucunapipish, uchilla lomacunapi tiyaj altarcunapipish, tucui p'angasapa yura ucucunapi tiyaj altarcunapipishmi sacrificiota cushpa inciensotapish rupachirca.

ÉXODO 24:5

Chai q'uipaca Moisesca, israelcunapuramanta maijan q'uipa huiñaicunata cachajpimi paicunaca Mandaj Diosman cushpa tucui rupachirca. Mandaj Dioshuan alli cangapajpish huagracunata cushpami rupachirca.

EZEQUIEL 20:28

Ñuca maquita alzashpami, chai llajtataca cushatajmi nircani. Chai llajtaman pushamujpica, chai llajtapi tiyaj jatun lomacunata, p'angasapa yuracunata ricushpaca chaipimi animalcunata cushpa huañuchircacuna. Ñuca mana ricunachishcacunatami chaicunapi curcacuna. Shinallataj mishquijllata ashnaj inciensotapish chaipimi rupachircacuna, vinotapish chaipimi tallircacuna ninmi ningui.

EZEQUIEL 22:9

Chashna yangamanta juchachishpa huañuchijcunapish, lomacunapi tiyaj altar c'uchucunapi micujcunapish, yallitaj millaita rurajcunapishmi carcacuna.

EZEQUIEL 43:27

Chai canchis punllapaj cayandij pusaj punllamanta huichimanca, curacunami cancuna ñucaman cushpa tucui rupachinatapish, ñucahuan alli cangapaj cushcacunatapish rupachingacuna. Chashna rurashcatami cancunamantaca chasquisha” nircami Mandaj Jatun Diosca.

EZEQUIEL 44:15

Ashtahuanpish Sadocpaj huahua huahua levita curacunaca, israelcuna ñucamanta anchurijpipish, ñucapajlla huasipi imallata rurachun mandashcacunataca rurashpa catircacunallami. Chaimantami ñucapaj imatapish ruranaman c'uchuyangacuna. Paicunami ñucaman cushca huiratapish, yahuartapish cungapaj c'uchuyangacuna. Mandaj Jatun Dios ñucatajmi chashna nini.

LEVÍTICO 17:4

Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 17:6

Chai yahuartaca Mandaj Dioshuan tupana carpa huasi pungupi caj, Mandaj Diospaj altar jahuata cura tsirapachun. Huiratapish Mandaj Diospaj mishquijllata ashnacuj cachun rupachichun.

DEUTERONOMIO 12:2

Cancuna japin llajtacunapi causajcuna paicunapaj dioscunata adoranacunatami tucuita nunca ama tiyachun chingachina canguichij. Urcucunapi, lomacunapi, yura ucucunapi adoranacunatami chashna chingachina canguichij.