LEVÍTICO 17:4 - Dios Rimashca Shimicunami

⁴ Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 17:4 Iomraidhean Croise

GÉNESIS 17:14

Maijan cashpapish pai charishca aicha mirga carata mana p'itichijca, ñucahuan ari ninacushcata p'aquishcamanta cancunapuramanta anchuchishca cachun– nircami.

SALMOS 32:2

Maijanpish ima umana yuyaita mana charijpica, paipica ima mana alli tiyashcata Mandaj Dios mana japishpaca paitaca cushichishcami canga.

ÉXODO 12:15

Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:19

Chai canchis punllacunapica cancunapaj huasicunapica levaduraca mana ricurinachu can. Maijanpish levadurahuan p'unguillichishcacunata micujcunaca israelcuna cashpapish, mana israelcuna cashpapish israelcunapuramantaca anchuchishcami canga.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

ÉXODO 30:38

Maijanpish can rurashca shina inciensota mutquingapaj rurajca israelcunapuramanta anchuchishcami canga” nircami.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

EZEQUIEL 20:40

Mandaj Jatun Diostajmi cashna nini: Israel llajtapi tiyaj ñucapajlla jatun urcupimi tucui israelcuna ñucataca servingacuna. Paicunataca chaipimi ñucapajlla cachun chasquisha. Chaipimi ñucaman imalla cuna cashcata cuchunpish, punta p'ucushca granocunata cuchunpish, ñucapajlla ch'icanchishcata cuchunpish mañasha.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 17:10

Maijan israelcuna cashpa mana cashpaca paicunapurapi causaj mana israelcuna cashpa ima animalpaj yahuarta micujpica ñucaca paihuan p'iñarishpa, paitaca israelcunapuramanta anchuchishami.

LEVÍTICO 17:14

Aichayujcunaca yahuarmantami causan. Chaimantami israelcunataca: “Ima aichamantapish yahuartaca amataj micunguichijchu. Tucui aichayujcunaca yahuarmantami causaiyuj. Chaimanta maijanpish yahuarta micujtaca, israelcunapuramanta anchuchishcami canga” nircami.

LEVÍTICO 17:3

Maijan israelcuna shuj huagrata cashpa, shuj malta ovejata cashpa, shuj chivata cashpapish, paicuna causacun huasillapi cashpa mana cashpaca paicuna causacun carpa huasicunamanta canllaman huañuchingachari.

LEVÍTICO 17:5

Chaitaca maipipish Mandaj Diosman cushpa rupachicuj israelcuna, ama chashna rurashpa, ashtahuanpish Mandaj Dioshuan tupana carpa huasi punguman curapajman apamunata yachachun chashna mandashcami. Chaiman apamujpimi, sumaj causaimanta cuna cashcataca Mandaj Diosman cura cunga.

LEVÍTICO 17:9

Mandaj Dioshuan tupana carpa huasi punguman apamushpa chaipi Mandaj Diosman cuna cashcata mana chaipi cujpica chai runataca, maijan cachunpish israelcunapuramanta anchuchishcami canga.

LEVÍTICO 18:29

Maijanpish chai shina millananacunata rurajpica, chashna millananata rurajcunataca israelcunapuramanta anchuchishcami canga.

LEVÍTICO 20:16

Maijan huarmipish animal paipi chayarichun chai animalpajman c'uchuyajpica, chai huarmitapish chai animaltapish ama llaquishpalla huañuchichun. Paicunapaj yahuarca paicunapaj jahuallatajmi.

LEVÍTICO 20:18

Maijanpish quillanta shamuna yahuarhuan caj huarmihuan dormishpa llatanashpa ricujca, chai huarmipaj yahuar llujshicujtami ricun. Chai huarmipish paipaj yahuar llujshicujtami ricuchin. Chaimanta ishquindijtataj israelcunapuramanta anchuchichun.

LEVÍTICO 20:3

Chai runahuan p'iñarishpami paitaca israelcunapuramanta anchuchisha. Moloc nishca diosman paipaj churita cushpa, ñucapajlla ch'icanchishca huasita mapayachishcamanta, jucha illaj ñuca shutitapish yanganchishcamantami chashna rurasha.

LEVÍTICO 3:2

Chai cucujca Mandaj Diosman cushca animalpaj uma jahuapi paipaj maquita churashpa, Mandaj Dioshuan tupana carpa huasi pungupi huañuchichun. Yahuartaca, Aronpaj churi curacuna altar muyundijta tsirapachun.

LEVÍTICO 7:18

Sumaj causaimanta Mandaj Diosman rupachishpa cushca aichata quimsa punllapipish micujpica, cujtaca mana chasquishcachu canga. Pai cushcapish mana cushca shinallatajmi canga. Ashtahuanpish millananami canga. Maijanpish chaita micujca jucha aparishcami canga.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Romanos 4:6

Chaimantami ima allicunata mana rurashca cajpipish, Dios justificashpa chasquijpi, cushicuj runamanta David rimashpaca,

Romanos 5:13

Mandashca manaraj tiyajpimi, juchaca cai pachapica ña tiyarca. Mandashca mana tiyashcamantami chai juchataca imata mana nishca.

Romanos 5:20

Jucha ashtahuan mirarichunmi, Mandashcaca yaicushca. Jucha ashtahuan mirarijpica, Dios mana c'uyaipajta c'uyanacarin yallitajmi mirarirca.

DEUTERONOMIO 21:8

Mandaj Dioslla, can llujshichimushca cambaj israelcunataca perdonapailla. Manapish huañuipaj yahuarta jichashcataca cambaj israelcunataca ama juchachihuaichu nichun. Chaimi chai yahuarmantaca perdonashca canga.