LEVÍTICO 17:11 - Dios Rimashca Shimicunami

¹¹ Aichapaj causaica yahuarpimi. Yahuartaca cancunapaj almamanta altarpi churanapajmi curcani. Yahuarmi cancunapaj almataca quishpichin.

LEVÍTICO 17:11 Iomraidhean Croise

GÉNESIS 9:4

Ashtahuanpish causaita cuj yahuarndij aichataca ama micunguichij.

LEVÍTICO 1:5

Chai huagrataca Mandaj Diospaj ñaupajpi cungata p'itichun. Yahuartaca Aaronpaj churi curacuna, Mandaj Dioshuan tupana carpa huasi pungupi caj altar ladocunapi Diosman cushpa tsirapachun.

LEVÍTICO 16:11

Aaronca paipaj juchamanta cuna c'ari huagrata apamuchishpa, paipaj juchamantapish, paipaj huasi ucupuracunapaj juchamantapish cushpa ñucahuan alli tucuchun. Juchamanta cushca huagrataca huañuchichun.

LEVÍTICO 17:12

Chaimanta ñami tucui israelcunata cashna nircani: “Cancunapurapi causajcunaca, israelcuna cashpa, mana israelcuna cashpapish yahuartaca amataj micunguichijchu” nircanimi.

LEVÍTICO 17:14

Aichayujcunaca yahuarmantami causan. Chaimantami israelcunataca: “Ima aichamantapish yahuartaca amataj micunguichijchu. Tucui aichayujcunaca yahuarmantami causaiyuj. Chaimanta maijanpish yahuarta micujtaca, israelcunapuramanta anchuchishcami canga” nircami.

LEVÍTICO 4:25

Chai juchamanta cushca chai animalpaj asha yahuartaca, cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca, Diosman tucuita cushpa tucui rupachina altar chaquipi tallichun.

LEVÍTICO 4:26

Chai q'uipaca, Mandaj Dioshuan alli cangapaj Mandaj Diosman cushca animalpaj huirata shinallataj, chai huiratapish tucuita altar jahuapi rupachichun. Chai mandajpaj juchamantaca cura chashna Mandaj Diosman cuchun. Chaimi paica Mandaj Dios perdonashca canga.

LEVÍTICO 8:15

Moisesca chai huagrataca huañuchirca. Chai yahuartaca paipaj dedohuan japishpami, chai altarta Mandaj Diospajlla ch'icanyachingapaj altar gachucunatapish, altar muyundij quinritapish llihuirca. Puchushca yahuartaca altar chaquipimi tallirca. Chashnami Mandaj Dioshuan alli tucungapaj rupachina altar cachun, Diospajlla cachun ch'icanchirca.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 26:28

caica achcacunapaj juchacunata perdonangapaj mushuj ruranata callarichishcata ricuchij ñuca jichana yahuarmi.

Marcos 14:24

Chaipimi Jesusca: –Caica, achcacunata quishpichingapaj mushuj ruranata callarichishcata ricuchij ñuca jichana yahuarmi.

Romanos 3:25

Jesustami paipaj yahuarpi crijpi juchacunata anchuchij cachun churarca. Diosca mana p'iñarij cashpami, ñaupa juchacunata perdonashpa, mana juchallishcata shina ruraj cashcata ricuchingapaj chashna rurarca.

Romanos 5:9

Tucuimanta yallica Cristopaj yahuarhuan justificashcacunami canchij. Chashna cashpami, Dios p'iñarishpa llaquichinamantaca quishpichishca cashun.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

DEUTERONOMIO 12:23

Ashtahuanca yahuarta micunatatajca amataj yuyanguichijchu. Yahuarpimi causai tiyan. Causaindij aichandijca ama micunguichijchu.

Colosenses 1:14

Paipaj Churi yahuarta jichashpa cutin randishpa quishpichijpimi, juchacunata perdonashca canchij.

Colosenses 1:20

Diosca Cristomantami tucui imalla tiyajcunahuan cutin alli tucurca. Cai pachapi cajcunahuanpish, jahua pachapi cajcunahuanpishmi alli tucurca. Cristo cruzpi yahuarta jichashcahuanmi Diosca chashna alli tucurca.

Hebreos 13:12

Chashnallatajmi Jesuspish paipaj quiquin yahuarhuan paipaj cajcunata jucha illajta rurangapaj, pueblomanta llujshichishca canllaman llaquita apashpa huañurca.

Hebreos 9:22

Mandashcapi nishca shinaca, yahuarhuanca maijan maijanllami mana chuyayan. Shina cajpipish yahuarta mana jichajpica, perdonca mana tiyanchu.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.