LEVÍTICO 17:10 - Dios Rimashca Shimicunami

¹⁰ Maijan israelcuna cashpa mana cashpaca paicunapurapi causaj mana israelcuna cashpa ima animalpaj yahuarta micujpica ñucaca paihuan p'iñarishpa, paitaca israelcunapuramanta anchuchishami.

LEVÍTICO 17:10 Iomraidhean Croise

GÉNESIS 9:4

Ashtahuanpish causaita cuj yahuarndij aichataca ama micunguichij.

2 SAMUEL 23:17

“Cai yacuta ñuca ubyanamantaca Mandaj Dios huaquichichun. Cai runacuna paicunapaj causaita cushpa, apamugrishca yacuta ubyashpaca, paicunapaj yahuarta ubyashca shinami canga” nishpami mana ubyasha nirca. Chai quimsa c'ari c'ari runacunami yacuta apamurcacuna.

SALMOS 34:16

Mandaj Diosca millaita rurajcunataca p'iñanmi. Paicuna rurashcata pi ama yuyarichunmi, cai pachamanta paicunata chingachin.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

JEREMÍAS 21:10

Ñucaca llaquichingapajmi tigrashpa ricurcani, mana ima allita cungapaj ricucunichu. Babilonia llajtata jatun mandajpaj maquipimi churani. Paimi ninata japichishpa tucuchinga ninmi Mandaj Diosca ningui.

JEREMÍAS 44:11

Tucuita Mandaj, israelcunapaj Diosca cashnapishmi nin: Chaimantami ñucaca can Judá runacunataca, tucuicunata tucuchingapaj chaparacuni. Cancunataca jatuntami llaquichigrini.

EZEQUIEL 14:8

Chai runahuanca p'iñarishpami, ñuca agllashcacunapuramanta anchuchishpa, paitaca shujtajcuna ricushpa chanzata rurashpa asina cachun churasha. Chashna rurajpimi ñucataca, Mandaj Diostaj cashcataca yachanguichij.

EZEQUIEL 15:7

Paicunataca p'iñarishpa llaquichishatajmi. Ninamanta quishpirishca cajpipish, ninallahuantajmi paicunataca chingachinga. Paicunata chashna rurashpa llaquichijpimi ñucataca, Mandaj Diostaj cashcata yachanguichij.

EZEQUIEL 33:25

Chashna nijcunamanca cashna niyari: Mandaj Jatun Diosca cashnami nin: Cancunaca aichatapish yahuarndijmi micunguichij, rurashcalla dioscunata adorajcunapishmi canguichij, huañuchijcunami canguichij. Chashna mana allita rurajcunaca ¿maitataj cai llajtataca japinguichigari?

EZEQUIEL 44:7

Cancunaca shungumanta millai yuyaita mana anchuchishcacunata, c'aricuna charishca aicha mirga caratapish mana p'itishca shujtaj runacunata ñuca huasiman yaicuchishpamari, ñuca huasitaca mapayachishcanguichij. Cancunaca ñucamanca huiratapish, yahuartapishmi curcanguichij. Ñucahuan ari ninacushcata yangata rurashpamari, cancunaca yallitaj millaita rurashcanguichij.

LEVÍTICO 17:11

Aichapaj causaica yahuarpimi. Yahuartaca cancunapaj almamanta altarpi churanapajmi curcani. Yahuarmi cancunapaj almataca quishpichin.

LEVÍTICO 19:26

Imatapish yahuarhuan chagrutaca ama micunguichijchu. Shinallataj brujocunapish, adivinocunapish ama canguichijchu.

LEVÍTICO 26:17

Ñucapish cancunataca p'iña ñahuihuanmi ricusha. Cancunata p'iñajcunapaj ñaupajpimi chugrichishcacuna canguichij. Cancunata p'iñajcunami cancunataca mandanga. Pi mana caticujpipish miticushpami callpanguichij.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

AMÓS 9:4

Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.

Hechos 15:20

Chashna ninapaj randica paicunamanca: “Rurashcalla dioscunaman ima cushcatapish ama micunguichij, ama huainayanguichij, sipishpalla huañuchishca aichatapish, ima yahuartapish ama micunguichij” nishpa quillcashpa cachashunchij ninimi.

Hechos 15:29

Rurashcalla dioscunaman cushcata ama micunguichij, yahuartapish, sipishpalla huañuchishca aichatapish ama micunguichij, ama huainayanguichij. Caicunata cazushpaca, allitamari ruranguichij. Allilla cashca canguichij” nishpami quillcarcacuna.

DEUTERONOMIO 12:16

Ashtahuanca yahuartatajca ama micunguichijchu. Chaitaca yacuta shina allpapi tallinguichijlla.

DEUTERONOMIO 12:23

Ashtahuanca yahuarta micunatatajca amataj yuyanguichijchu. Yahuarpimi causai tiyan. Causaindij aichandijca ama micunguichijchu.

DEUTERONOMIO 15:23

Ashtahuanca yahuartatajca ama micunguichijchu, yacuta shina pambapi tallinguichijlla.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

1 SAMUEL 14:32

Chaimi israelcunaca filisteocunata quichumushca ovejacunatapish, vacacunatapish, bizicunatapish urmachishcahuan cungata p'itishpa aichataca yahuarndijta micurcacuna.

1 SAMUEL 14:33

Chaipimi Saulmanca cashna huillarcacuna: –Israelcunaca yahuarndij aichata micushpami, Mandaj Diosta p'iñachishpa juchallicuncuna– nijpimi Saulca: –¡Cancunaca pajtachishun nishpapish mana pajtachijcunami canguichij! Shuj jatun rumita singuchishpa caiman apamuichij– nirca.