LEVÍTICO 16:8 - Dios Rimashca Shimicunami

⁸ Aaronca chai ishqui chivocunataca Mandaj Diospaj maijan cashcata, Azazelpaj maijan cashcata yachangapajmi sorteanga.

LEVÍTICO 16:8 Iomraidhean Croise

PROVERBIOS 16:33

Migllapi suerteta rurajpipish, Mandaj Diosmi imata ruranataca ricuchin.

EZEQUIEL 48:29

Chashnami cai allpataca, Israel aillucunamanca suerteta rurashpa chaupina canguichij. Tucuicunallamantajmi mirga mirga chaupishpa cuna canguichij. Mandaj Jatun Dios ñucatajmi chashna nini.

LEVÍTICO 16:10

Ashtahuanpish sorteajpi Azazelpaj urmashca chivotaca Mandaj Diospaj ñaupajman causajta apamushpa israelcunapaj juchata perdonachun Mandaj Diosman cuchun. Chai q'uipaca Azazelpaj cachun shitashca pambapi cacharinaman cachachun.

LEVÍTICO 16:26

Azazelpaj cachun chivota shitashca pambaman apajca paipaj churanata tajshashpa, paipish yacuhuan armashpa chai q'uipa carpa huasicuna tiyanman yaicugrichun.

LEVÍTICO 16:7

Chai q'uipaca ishqui chivota japishpa, Mandaj Dioshuan tupana carpa huasi punguman Mandaj Diospaj ñaupajman apamuchun.

LEVÍTICO 16:9

Sorteajpi Mandaj Diospaj urmashca c'ari chivotaca, Aarón apamuchishpa juchamanta cuna cashcata cuchun.

JONÁS 1:7

Shinallataj barcota purichijcunaca: –Tucui caipi cajcunamantaca ¿pitaj mana allita rurashpa puricushcanchij? Chaita yachangapajca suerteta rurashunchij– nircacunami. Chashna suerteta rurajpica, Jonaspajmi urmarca.

NÚMEROS 26:55

Allpata chaupishpaca sorteashpa cungui. Maijan yayapaj aillupura cashpapish, chaipurallapitaj japichuncuna.

NÚMEROS 33:54

Chai llajtataca sorteashpa, cada familia ima shina cashca shinallataj japinguichij. Achca cajmanca achcata cunguichij. Ashalla cajmanca ashallata cunguichij. Sorteajpi maipimi urman, chaitataj cunguichij. Cancunapaj yayacunamanta mirarishca aillucuna ima shina cashca shinallataj japinguichij.