LEVÍTICO 16:6 - Dios Rimashca Shimicunami

⁶ Aaronca, paipaj juchamanta cuna c'ari huagrata apamuchishpami, paipaj juchamantapish, paipaj huasi ucupuracunapaj juchamantapish ñucahuan alli tucunga.

LEVÍTICO 16:6 Iomraidhean Croise

JOB 1:5

Chai jatun micui punllacuna tucurishca q'uipami Jobca paipaj tucui huahuacunapaj juchacunata anchuchichun utcata jatarishpa, Diosman animalcunata cushpa huañuchishpa tucuita rupachij carca. Jobca, ñuca huahuacunaca imapi juchallircallapishchari, Diostapish p'iñashpa paicunapaj shungupi c'amircacunallapishchari yuyashpami, fiesta tucurishca q'uipaca chashna ruraj carca.

EZEQUIEL 43:19

Sadocpaj huahua huahua levita curacunami ñucata servinamanca c'uchuyangacuna. Paicunamanca, juchamanta malta c'ari huagratami cungui. Mandaj Dios ñucatajmi chashna nini.

EZEQUIEL 43:27

Chai canchis punllapaj cayandij pusaj punllamanta huichimanca, curacunami cancuna ñucaman cushpa tucui rupachinatapish, ñucahuan alli cangapaj cushcacunatapish rupachingacuna. Chashna rurashcatami cancunamantaca chasquisha” nircami Mandaj Jatun Diosca.

LEVÍTICO 16:3

Aaronca ñucapajlla ch'icanchishca ucumanca caicunahuan yaicuchun: Juchamanta cungapaj shuj malta huagrahuan, tucuita cushpa tucui rupachinapaj shuj carnerohuan yaicuchun.

LEVÍTICO 16:7

Chai q'uipaca ishqui chivota japishpa, Mandaj Dioshuan tupana carpa huasi punguman Mandaj Diospaj ñaupajman apamuchun.

LEVÍTICO 9:7

Chai q'uipami Moisesca, Aarontaca: “Altarman c'uchuyashpa cambaj juchamanta Diosman cuna cashcata tucuita cushpa tucui rupachina cashcatapish cushpa Dioshuan alli tucui. Tucuicunamanta cuna cashcatapish tucuicunapajta Mandaj Diosman cushpa paicunatapish Mandaj Dios mandashca shinallataj paihuan alli tucuchi”,

Hebreos 7:27

Jesusca curacunata jatun pushaj caishuj curacuna shinaca mana canchu. Chai curacunaca punllantami paicunapaj juchacunamantaraj Diosman cushpa rupachincuna. Chai q'uipami shujtajcunapaj juchacunamanta Diosman cushcacunataca rupachincuna. Ashtahuanpish Jesusca, paillatajmari shuj cutinlla tucuicunapaj juchacunamanta Diosman curishpa huañurca.

Hebreos 9:12

Cristoca Diospajlla ashtahuan ch'icanchishca ucumanca mana c'ari chivocunapaj, c'ari bizicunapaj yahuarhuanchu yaicurca. Ashtahuanpish paipaj quiquin yahuarta cushpa huiñaipaj quishpichingapajmi, shuj cutinlla chai ucumanca yaicurca.

Hebreos 9:7

Chaiman punllanta yaicucushpapish Diospajlla ashtahuan ch'icanchishca ucumanca curacunata mandaj curallami, huatapi shuj cutinlla yaicun. Chaipica paipaj juchacunamanta, mana yachashcamanta shujtajcuna rurashca juchacunamantapish animalcunapaj yahuarta Diosman cungapajmi yaicun.