LEVÍTICO 16:34 - Dios Rimashca Shimicunami

³⁴ Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

LEVÍTICO 16:34 Iomraidhean Croise

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

ÉXODO 30:10

Juchacunamanta cushca animalpaj yahuarta Aaronca huatapi shuj cutin chai altarpaj gachucunata llihuichun. Cancunapaj huahua huahuacunapish juchamanta cushca yahuartaca chai altarpaj gachucunapi huatapi shuj cutin cada huata llihuicuchunlla. Chai altarca Mandaj Diospajlla ch'icanchishcami” nircami.

ÉXODO 39:43

Moisesca tucui chaicunataca, Mandaj Dios mandashca shinallataj sumajta rurashcatami ricurca. Chaimantami paicunataca allitami rurashcanguichij nirca.

LEVÍTICO 16:2

Mandaj Diosca Moisestaca: “Cambaj huauqui Aaronman cashna huillai: Ama huañungapajca linsohuan jarcachishpa ñucapajlla ch'icanchishca ucuman, arca jahuapi caj propiciatorio ñaupajmanca ima punllapish ama yaicunguichu. Ñucami chai propiciatorio jahuapi p'uyu chaupipi ricurisha.

LEVÍTICO 17:1

Mandaj Diosca Moisesta mandashpaca:

LEVÍTICO 23:28

Mandaj Dios cancunata perdonana punlla cashcamanta ima trabajota ama ruranguichijchu. Mandaj cancunapaj Dioshuan alli tucuna cashcamantami chashna rurana canguichij.

LEVÍTICO 23:31

Chashna cashcamanta chai punllapica ima trabajota ama ruranguichij. Chaitataj pajtachichun mandashcaca, cancunapaj huahua huahuacuna pajtachicuchunlla mandashcami. Chaimanta maipi causashpapish chaitataj pajtachicunguichijlla.

LEVÍTICO 24:23

Chashna mandashcata Moisés tucui israelcunaman huillajpimi, israelcunaca Diosta c'amij runataca carpa huasicunamanta caruman llujshichishpa rumicunahuan shitarcacuna. Mandaj Dios Moisesta ima shinalla mandashca shinallatajmi israelcunaca rurarcacuna.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

NÚMEROS 29:7

Chai canchis quillallapitaj chunga punllapica, tucuicunata cayashpa Diospajlla tandanacuita ruranguichij. Mana alli rurashcata yuyarishpa cancunapaj alma llaquirishpa Diosman cutiringuichij. Chai punllapica ima ruranata ama ruranguichij.

Hebreos 10:14

Chashnami shuj cutinlla Diosman cushcahuan, jucha illajta rurashpa allicunata rurajta rurarca.

Hebreos 10:3

Ashtahuanpish cai sacrificiocunaca, juchayujcuna cashcata huatanta yuyachingapajllami.

Hebreos 9:25

Curacunata jatun pushajca, Diospajlla ashtahuan ch'icanchishca Ucumanca huatantami animalcunapaj yahuarhuan yaicun. Cristoca mana cutin cutin Diosmanca curinchu.

Hebreos 9:7

Chaiman punllanta yaicucushpapish Diospajlla ashtahuan ch'icanchishca ucumanca curacunata mandaj curallami, huatapi shuj cutinlla yaicun. Chaipica paipaj juchacunamanta, mana yachashcamanta shujtajcuna rurashca juchacunamantapish animalcunapaj yahuarta Diosman cungapajmi yaicun.