LEVÍTICO 16:22 - Dios Rimashca Shimicunami

²² Chai chivoman tucui israelcuna millaita rurashcacunataca paipaj jahuapi apachishpa chulunlla shitashca pambata richun cachachun.

LEVÍTICO 16:22 Iomraidhean Croise

SALMOS 103:10

Ñucanchij millaita rurashcamantaca, llaquichina shinatajca mana llaquichircachu. Ñucanchij juchacunamantaca cuna cashca shinaca mana cushcachu.

SALMOS 103:12

Inti llujshinmanta, inti huashicuncamaca yallitaj carumari. Chai shinallatajmari ñucanchij mana cazushcacunatapish caruyachirca.

EZEQUIEL 18:22

Paipaj tucui millai rurashcacunataca mana yuyarishachu. Ashtahuanpish pai allita rurashcamantaca causangami.

EZEQUIEL 4:4

Shinallataj lluqui ladoman siriringui. Israelcunapaj juchataca, canmi apana cangui. Lluqui ladoman mashna punllata dormishpapish, paicunapaj juchatami canca apana cangui.

LEVÍTICO 14:7

Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 16:21

Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 16:23

Chai q'uipaca Aaronca Mandaj Dioshuan tupana carpa huasiman yaicushpa, Diospajlla ucuman yaicunapaj churarishca lino churanata llujshichishpa chaipi churachun.

MIQUEAS 7:19

Paica ñucanchijtaca cutinllatajmi llaquinga. Ñucanchij millaita rurashcacunatapish pambangami. Ñucanchij juchacunatapish mama cucha ucumanmi shitanga.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Gálatas 3:13

Mandashca llaquiman cachacujpimi, Cristoca randishpa cacharichirca. Ñucanchijmantami llaquichishca tucurca. Quillcachishcapipish cashnami: (“Caspipi tucui huarcushcacunaca, llaquichishcacunami” ninmi).

Hebreos 9:28

Cristoca achcacunapaj juchacunata anchuchingapajmi, shuj cutinlla huañurca. Q'uipata cutin shamushpaca, mana juchata anchuchingapajchu shamunga. Ashtahuanpish paita shuyajcunata quishpichingapajmi shamunga.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.