LEVÍTICO 16:21 - Dios Rimashca Shimicunami

²¹ Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 16:21 Iomraidhean Croise

ESDRAS 10:1

Diospaj huasi ñaupajpi cungurishpa, huacashpa tucuicunapaj juchata Diosman huillashpa Esdras mañacujpica, yallitaj achca israelcunami paipaj muyundijta tandanacurcacuna. Chaipica c'aricunapish, huarmicunapish, huahuacunapish tucuicunami yallitaj huacarcacuna.

SALMOS 32:5

Mandaj Dios ñuca juchataca tucuitami quiquinman huillarcani. Millaita rurashcacunataca imata mana pacarcanichu. “Ñuca mana cazushcacunataca Mandaj Diosmanmi” huillarcani. Mandaj Dios, millaita rurashpa ñuca juchallishcataca perdonarcanguimi. Selah

SALMOS 51:3

Quiquinta ñuca c'ariyashcacunataca rijsirinimi. Ñuca juchallishcaca ñuca ñaupajpi ricuricunllamari.

ÉXODO 29:10

Chai q'uipaca, Dioshuan tupanacuna carpa huasiman malta huagrata apangui. Chaipi Aaronpish, paipaj churicunapish paicunapaj maquicunata chai huagrapaj uma jahuapi churachuncuna.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

LEVÍTICO 1:4

Chai cucujca Mandaj Diosman cushpa tucui rupachina animalpaj uma jahuapi paipaj maquita churachun. Chaimi, juchamanta cushca cashcamanta chasquinga.

LEVÍTICO 16:20

Diospajlla ch'icanchishca ucutapish, Mandaj Dioshuan tupana carpa huasitapish, altartapish ima mapa illajllata rurashca q'uipaca caishuj causaj chivotapish apamuchichun.

LEVÍTICO 16:22

Chai chivoman tucui israelcuna millaita rurashcacunataca paipaj jahuapi apachishpa chulunlla shitashca pambata richun cachachun.

LEVÍTICO 26:40

Chaipimi paicuna millaita rurashcatapish, paicunapaj ñaupa yayacuna millaita rurashcatapish, ima shinalla rurashpa ñucata c'ariyashcatapish, imamanta ñucata mana cazushcatapish ñucaman huillangacuna.

LEVÍTICO 5:5

Maijan cashna shinacunata rurashca cashpaca imapi juchallishcata huillachun.

Romanos 10:10

Shunguhuanca justificashca cangapajmi crina, ashtahuanpish shimihuanca quishpichishca cangapajmi crinimi nina.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.