LEVÍTICO 16:2 - Dios Rimashca Shimicunami

² Mandaj Diosca Moisestaca: “Cambaj huauqui Aaronman cashna huillai: Ama huañungapajca linsohuan jarcachishpa ñucapajlla ch'icanchishca ucuman, arca jahuapi caj propiciatorio ñaupajmanca ima punllapish ama yaicunguichu. Ñucami chai propiciatorio jahuapi p'uyu chaupipi ricurisha.

LEVÍTICO 16:2 Iomraidhean Croise

1 REYES 6:16

Chai huasi ashtahuan ucu c'uchumanca iscun metrota charij shuj ucutami pambamanta callarishpa jahua c'atacama cedro tablacunahuan rurarca. Chai ucutaca Diospajlla ch'icanchishca cachunmi rurarca.

1 REYES 8:6

Chai q'uipami, curacunaca Mandaj Dioshuan ari ninacushca quillcata huaquichina arcataca, maipi churana cashcaman aparcacuna. Diospaj huasi ucupi caj Diospajlla ch'icanchishca ucuman yaicuchishpami querubincunapaj alas ucupi churarcacuna.

2 CRÓNICAS 5:14

Mandaj Diospaj sumaj cashca Mandaj Diospaj huasi ucupi jundajpimi, curacunaca Diospajta rurangapaj mana chai ucupi saquiri tucurcacuna.

ÉXODO 30:10

Juchacunamanta cushca animalpaj yahuarta Aaronca huatapi shuj cutin chai altarpaj gachucunata llihuichun. Cancunapaj huahua huahuacunapish juchamanta cushca yahuartaca chai altarpaj gachucunapi huatapi shuj cutin cada huata llihuicuchunlla. Chai altarca Mandaj Diospajlla ch'icanchishcami” nircami.

LEVÍTICO 16:13

Chaiman yaicushpaca, mishquijllata ashnacuj chai inciensiotaca nina rupacun jahuapi churashpa Mandaj Diospaj ñaupajpi churachun. Aarón ama huañuchunmi mishquijllata ashnacuj chai inciensio cushnica Mandaj Dioshuan shuj yuyailla tucushcata ricuchij quillcata huaquichina arca jahuapi caj propiciatoriota tapanga.

LEVÍTICO 16:34

Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

LEVÍTICO 23:27

“Chai canchis quillapaj chunga punllapica, Dios perdonana punllami canga. Chai punllapica tucuita cayashpa, tucui almahuan llaquirishpa Diospajlla tandanacuita charinguichij. Mandaj Diosman rupachishpa cunatapish cunguichij.

LEVÍTICO 8:35

Mandaj Dioshuan tupana carpa huasi pungupica canchis punllacunatami tutapish punllapish cana canguichij. Cancuna mana huañungapajca Mandaj Dios mandashcataca tucuitami Mandaj Diospaj ñaupajpi pajtachina canguichij. Mandaj Diosca chashnami ñucataca mandarca” nircami.

NÚMEROS 17:10

Mandaj Diosca, Moisestaca cashnami nirca: “Aaronpaj tauna caspitaca Dioshuan ari ninacushca quillcata huaquichina arca ñaupajllapitaj cachun churai. Diosta c'ariyajcunaca chai tauna caspita ricushpa Diostaca mana c'ariyanalla cashcata yuyarinapajmi canga. Chashna rurashpami, ñuca ñaupajpi juchachishpa cancunata rimacujcunataca upallachingui. Chaimi paicunaca mana huañungacuna” nircami.

NÚMEROS 18:7

Ashtahuanpish curacuna imalla rurana cashcata rurashpa Mandaj Diospajta ruranataca altarpipish, linsohuan jarcachishca ucupipish canhuan, cambaj churicunallahuanmi rurana canguichij. Curacuna imalla rurana cashcata ruranataca ñucami curcani. Manapish cura caj chaiman c'uchuyashpaca huañungami” nircami.

NÚMEROS 4:19

Diospajlla cajcunaman paicuna c'uchuyashpa ama huañuchunca caita ruranguichij: Aarón, cambaj churicunahuan tucushpa levitacunata pushashpa cada quiquin imallata rurana cashcapi, imallata apana cashcapi churanguichij.

NÚMEROS 4:5

Israelcuna causacushcamanta shujtaj ladoman rina tucujpica, Aaronhuan, paipaj churicunahuan shamushpa, Diospaj carpa huasita jarcachishca linsota pascashpa, chaihuanca Dioshuan ari ninacushca quillcata huaquichina arcata pilluchichun.

Mateo 27:51

Chaipica, Diospaj huasi ucupi jarcachishca linsoca, jahuamanta urimanmi chaupita lliquirirca. Allpapish chujchurcami, jatun rumicunapish chaupirircami.

Hebreos 6:19

Chai yuyaica barcota charicuj fierro shinami ñucanchij almataca sinchita charicun. Diospaj carpa huasi ucupi linsohuan jarcachishca huasha ucucamami chayachin.

Hebreos 9:25

Curacunata jatun pushajca, Diospajlla ashtahuan ch'icanchishca Ucumanca huatantami animalcunapaj yahuarhuan yaicun. Cristoca mana cutin cutin Diosmanca curinchu.

Hebreos 9:3

Chai ucullapitaj linsohuan jarcachishca caishuj ucuca Diospajlla ashtahuan ch'icanchishca ucu nishcami carca.

Hebreos 9:5

Chai arca jahuapica, Dios sumaj cashcata ricuchij querubincunami juchamanta yahuarta tsirapanata pacashpa shayacurcacuna. Caicunataca cunanca, ña mana ashtahuan callarishpa parlai tucunichu.

Apocalipsis 15:8

Diosca tucuita rurai tucuj sumaj cashcamantaca, Diospaj huasipica cushnimi jundarca. Canchis angelcuna, canchis llaquicunata tucuchingacamami, Diospaj huasimanca pi mana yaicui tucurcacuna.