LEVÍTICO 16:10 - Dios Rimashca Shimicunami

¹⁰ Ashtahuanpish sorteajpi Azazelpaj urmashca chivotaca Mandaj Diospaj ñaupajman causajta apamushpa israelcunapaj juchata perdonachun Mandaj Diosman cuchun. Chai q'uipaca Azazelpaj cachun shitashca pambapi cacharinaman cachachun.

LEVÍTICO 16:10 Iomraidhean Croise

LEVÍTICO 14:7

Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 16:8

Aaronca chai ishqui chivocunataca Mandaj Diospaj maijan cashcata, Azazelpaj maijan cashcata yachangapajmi sorteanga.

LEVÍTICO 16:9

Sorteajpi Mandaj Diospaj urmashca c'ari chivotaca, Aarón apamuchishpa juchamanta cuna cashcata cuchun.

Romanos 3:25

Jesustami paipaj yahuarpi crijpi juchacunata anchuchij cachun churarca. Diosca mana p'iñarij cashpami, ñaupa juchacunata perdonashpa, mana juchallishcata shina ruraj cashcata ricuchingapaj chashna rurarca.

Romanos 4:25

Paitaca ñucanchij juchacunamantami curca. Ñucanchijta justificangapajmi causachirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.