LEVÍTICO 15:5 - Dios Rimashca Shimicunami

⁵ Maijanpish chai runapaj camapi tuparijca paipaj churanata tajshachun, paillatajpish yacuhuan armachun. Tutayangacama mapami saquiringa.

LEVÍTICO 15:5 Iomraidhean Croise

SALMOS 26:6

Ima mana allita mana rurashcapimi ñuca maquita maillani. Mandaj Dioslla chashna cashpami quiquinpaj altar muyundijpi purisha.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

ISAÍAS 1:16

Maillarichij, chuyayaichij. Ñuca ñaupajpi cancuna millaita rurashcata anchuchichij. Millaita ruranata saquichij.

ISAÍAS 22:14

Tucuita Mandaj Jatun Dios ricurishpami ñuca rinrinpi cashna nirca: “Chai juchamantaca paicuna huañungacama manataj perdonashachu” ninmi tucuita Mandaj Jatun Diosca.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

EZEQUIEL 36:29

Cancunataca tucui mapamantami huaquichisha, achca trigotapishmi cusha. Ña mana cutinca yaricaica tiyangachu.

LEVÍTICO 11:24

Cai shinacunapi tuparishpaca mapayashcami saquiringuichij: Maijanpish chai shina animalcuna huañushcapi tuparijca tutayangacama mapayashcami saquiringa.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 11:28

Huañushca animalta japirijca, paipaj churanacunata tajshachun. Paica tutayangacamami mapa saquiringa. Chaicunataca mapa cashcatami yuyana canguichij.

LEVÍTICO 11:32

Chai animalcuna huañushca ima charinacuna jahuapi urmajpica, tucui chaicunaca mapami saquiringa. Caspimanta rurashca ima charinacuna cajpipish, churanacuna cajpipish, cara cajpipish, costal cajpipish, trabajanapaj ima charinacuna cajpipish chai animal huañushcapi tuparishca cajpica, chaicunataca yacupi satishpa churanguichij. Chaicunaca tutayangacama mapami saquiringa. Chai q'uipami ima mapa illaj saquiringa.

LEVÍTICO 13:34

Ña canchis punlla tucujpica, chai carachahuan cajtaca cutinllataj cura alli ricuchun. Chai caracha mana ashtahuan mirarishca cajpi, aicha carapish mana ucucama cajpica ima mapa illaj cashcataca cura huillachun. Chaipica chai ungushcaca, paipaj churanata tajshashpa ima mapa illajlla saquiringallami.

LEVÍTICO 13:6

Ña canchis punllacuna tucujpica, curallatajmi cutin alli ricunga. Chai caracha yanayashpa aichapi mana ashtahuan mirarishca cajpica, curami mapa illaj cashcata huillanga. Shujtaj sisucunalla cashcamantaca, chai ungushca runaca paipaj churanacunata tajshashpa, ima mapa illajllami saquiringa.

LEVÍTICO 14:27

paipaj lluqui maqui shungupi caj aceiteta paipaj alli lado maqui dedohuan japishpami, Mandaj Diospaj ñaupajpi canchis cutin tsirapanga.

LEVÍTICO 15:18

Yuraj yacu llujshicuj c'ari, shuj huarmihuan chayarinacushpaca, ishquindijtaj yacuhuan armachun. Paicunaca tutayangacama mapami saquiringacuna.

LEVÍTICO 15:4

Quiya shina yacu cachariricuj runa siririshca camaca maipi cashpapish mapami canga. Chai runa tucui imapi tiyarishcapish mapami canga.

LEVÍTICO 15:6

Maijanpish quiya shina yacu cachariricuj runa tiyarishcapi tiyarishca cashpaca paipaj churanacunata tajshachun, paillatajpish yacuhuan armachun. Paica tutayangacama mapami saquiringa.

LEVÍTICO 16:26

Azazelpaj cachun chivota shitashca pambaman apajca paipaj churanata tajshashpa, paipish yacuhuan armashpa chai q'uipa carpa huasicuna tiyanman yaicugrichun.

LEVÍTICO 16:28

Chaicunata rupachijca paipaj churanacunata tajshashpa, paipish yacuhuan armachun. Chai q'uipaca paicuna causacushca carpa huasicunaman tigrachunlla.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

NÚMEROS 19:10

Vacata rupachishca ushpata pallajpish paipaj churanacunata tajshachun. Paica tutayangacama maparajmi canga. Cai mandashcaca israelcuna cashpapish, paicunahuan causacuj mana israelcuna cashpapish chashnataj pajtachicuchunlla mandashcami.

NÚMEROS 19:22

Mapayashca runa ima charinacunapi tuparijpica, tucui chaicunami mapa canga. Mapayashca runapi tuparijpish tutayangacama mapami canga” nircami.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

Hebreos 9:26

Cutin cutin llaquita apacunalla cashca cajpica, Cristoca cai pacha callarimantami llaquita apacunmanlla carca. Ashtahuanpish Dios cusha nishca punlla pajtajpimi, jucha chaupimanta anchuchingapaj shuj cutinlla huiñaipaj paillataj curishpa huañurca.

Santiago 4:8

Diosman c'uchuyaichij, paipish cancunapajman c'uchuyangami. Juchayujcuna, maquicunata p'icharichij. Ishqui yuyaiyujcunapish, cancunapaj shungucunata chuyayachichij.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.

1 SAMUEL 20:26

Chai punllaca Saulca David illashcata ricushpaca: “Ima tucushpa mapayashpa manaraj chuyayashpamari mana shamushca canga” yuyashpami mana imata nirca.