LEVÍTICO 15:15 - Dios Rimashca Shimicunami

¹⁵ Chaicunataca curami shujtaca juchamanta cuna cashcata, caishujtaca tucuita cushpa tucui rupachinata Mandaj Diosman cunga. Chashnami curaca quiya shina yacu cachariricuj runataca Mandaj Diospaj ñaupajpi ima mapa illajta ruranga.

LEVÍTICO 15:15 Iomraidhean Croise

LEVÍTICO 11:24

Cai shinacunapi tuparishpaca mapayashcami saquiringuichij: Maijanpish chai shina animalcuna huañushcapi tuparijca tutayangacama mapayashcami saquiringa.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 11:27

Shinallataj chuscu chaquiyuj ima animal cashpapish p'acha chaqui shunguhuan purij tucui animalcunataca mapa cashcata yuyanguichij. Chai huañushca animalpi maijanpish tuparijcunaca tutayangacama mapami saquiringa.

LEVÍTICO 11:28

Huañushca animalta japirijca, paipaj churanacunata tajshachun. Paica tutayangacamami mapa saquiringa. Chaicunataca mapa cashcatami yuyana canguichij.

LEVÍTICO 11:31

Huijsahuan llucashpa purij animalcunataca, tucui chai animalcunatami mapa cashcata yuyana canguichij. Maijanpish chai animalcuna huañushcapi tuparijcunaca, tutayangacama mapami saquiringa.

LEVÍTICO 11:32

Chai animalcuna huañushca ima charinacuna jahuapi urmajpica, tucui chaicunaca mapami saquiringa. Caspimanta rurashca ima charinacuna cajpipish, churanacuna cajpipish, cara cajpipish, costal cajpipish, trabajanapaj ima charinacuna cajpipish chai animal huañushcapi tuparishca cajpica, chaicunataca yacupi satishpa churanguichij. Chaicunaca tutayangacama mapami saquiringa. Chai q'uipami ima mapa illaj saquiringa.

LEVÍTICO 11:39

Micunapaj caj maijan animal huañujpi, chaipi tuparijca tutayangacama mapami saquiringa.

LEVÍTICO 11:40

Huañushca animalpaj aichata micujca paipaj churanacunata tajshachun. Paica tutayangacamami mapa saquiringa. Huañushca animalta llujshichijpish, paipaj churanacunata tajshachun. Paipish tutayangacama mapami saquiringa.

LEVÍTICO 12:7

Chaicunataca Mandaj Dios chai huarmipaj juchata perdonachun curami Diosman cunga. Chashna rurajpimi chai huarmica yahuar cachariricushcamanta mapa illajlla saquiringa. Chai mandashcacunaca c'ari huahuata cashpa, huarmi huahuata cashpa huachaj huarmi imallata rurachun mandashcami.

LEVÍTICO 12:8

Chai huarmica, ovejapaj mana charishpaca ishqui urpita, mana cashpaca ishqui palomata cashpa apamuchun. Chaicunamanta shujtaca tucui cushpa tucui rupachingapaj, caishujtaca juchamanta cungapaj apamuchun. Chaicunataca chai huarmipaj juchamanta Diosman cura cujpimi, paica ima mapa illajlla saquiringa” nircami.

LEVÍTICO 4:20

Chai malta huagrataca curapaj juchamanta cushca huagrata cushpa rupachij shinallataj rupachichun. Paicunapaj juchamantaca cura chashna cushpa rupachichun. Chashna rurashpami, Mandaj Dios perdonashca cangacuna.

LEVÍTICO 4:26

Chai q'uipaca, Mandaj Dioshuan alli cangapaj Mandaj Diosman cushca animalpaj huirata shinallataj, chai huiratapish tucuita altar jahuapi rupachichun. Chai mandajpaj juchamantaca cura chashna Mandaj Diosman cuchun. Chaimi paica Mandaj Dios perdonashca canga.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 4:35

Chai q'uipaca Mandaj Dioshuan alli cangapaj Mandaj Diosman cushca animalpaj huirata llujshichishca shinallataj, chai animalpaj huiratapish tucuita llujshichichun. Chaitaca Mandaj Diosman cushpa rupachicushca jahuapi churashpa cura rupachichun. Juchallijmantaca cura Mandaj Diosman cushpa chashna rupachichun. Chaimi Mandaj Diosca paitaca perdonanga.

NÚMEROS 15:25

Paicuna chaita cujpimi, curaca tucui israelcunapaj juchamanta Diosman cunga. Chaipimi mana alli yuyarishcamanta mana tucui pajtachishcataca perdonashca canga. Mana alli yuyarishcamanta mana tucuita pajtachishca cashpaca, tucuicunami Diosman cuna cashcatapish, Mandaj Diosman cushpa rupachina cashcatapish, juchamanta cushpa rupachinatapish Mandaj Diospaj ñaupajpi cungacuna.

NÚMEROS 25:13

Paipish, paipaj huahua huahuacunapish, chaipaj q'uipa huahua huahuacunapish curacuna tucushpa caticuchunllami churagrini. Taita Diospajlla canamantatajca huañucuj cashcamanta israelcunapaj juchata anchuchingapaj chai runata huañuchishcamantami chashna ruragrini ni– nircami.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Efesios 1:6

Paipaj sumaj mana c'uyaipajta c'uyaj cashcata alabachunmi, paipaj c'uyashca Churimanta ñucanchijtaca chasquirca.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.