LEVÍTICO 15:13 - Dios Rimashca Shimicunami

¹³ Quiya shina yacu cachariricuj runa alliyashpaca, chai alliyashca punllamanta canchis punllata yupashpa paipaj churanacunata tajshashpa, paipaj cuerpotapish callpacuj yacuhuan armashpa ima mapa illaj saquirichun.

LEVÍTICO 15:13 Iomraidhean Croise

ÉXODO 29:35

Aaronta, paipaj churicunataca ñuca ima shinalla mandashca shinallataj rurangui. Ñucapajlla cachun ch'icanyachinataca canchis punllatami rurana cangui.

ÉXODO 29:37

Chai altar chuyayachunca canchis punllata animalta cushpa rupachishpa ñucapajllata rurangui. Chaipimi chai altarca ñucapajlla ch'icanyachishca canga. Chai altarpi ima tuparijpish ñucapajlla ch'icanchishcami tucunga.

JEREMÍAS 33:8

Paicuna mana allita rurashpa, ñucata p'iñachishpa causashcataca tucuitami p'ichasha. Ñucata c'ariashpa juchata rurashpami, ñucata llaquichircacuna. Chai juchacunataca tucuitami perdonasha.

LEVÍTICO 14:10

Ña pusaj punlla tucujpica ima mana tucushca ishqui malta ovejata, shuj huatayuj ima mana tucushca huarmi ovejatapish apamuchun. Shinallataj Diosman cuna cashcataca sujta kilo chaupi ashtahuan alli cutata aceitehuan chapushcata, shuj log nishca aceitetapish apamuchun.

LEVÍTICO 14:8

Lepra ungüimanta alliyashpa ima mapa illajlla tucujca, paipaj churanata tajshashpa, uma ajchatapish tucuita rutushpa yacuhuan armashpa ima mapa illajlla saquirichun. Chai q'uipaca carpa huasicuna tiyanman yaicushpapish, paipaj carpa huasi ucumanca ama yaicushpa canchis punllacunata canllallaman saquirichun.

LEVÍTICO 15:28

Chai huarmipaj yahuar cachariricushca ña pararijpica, chai punllamanta canchis punllata yupachun. Chai q'uipami mapa illajlla saquiringa.

LEVÍTICO 15:5

Maijanpish chai runapaj camapi tuparijca paipaj churanata tajshachun, paillatajpish yacuhuan armachun. Tutayangacama mapami saquiringa.

LEVÍTICO 8:33

Diospajlla cachun ch'icanyachicui canchis punllacuna pajtangacamaca, Mandaj Dioshuan tupana carpa huasi pungumantaca ama llujshinguichijchu. Cancunaca canchis punllacunapimi, Mandaj Diospajlla ch'icanyachishca tucunguichij.

LEVÍTICO 9:1

Ña pusaj punllacuna tucujpimi, Moisesca Aarontapish, paipaj churicunatapish israelcunata cunaj yuyajcunatapish cayashpa,

NÚMEROS 12:14

Chaimi Mandaj Diosca Moisestaca: “Paipaj yaya ñahuipi ch'ucashcamantaca ¿manachari canchis punllacunata pingailla cangari? Chaimanta canchis punllacama carpa huasicunamanta llujshichichij. Chai q'uipaca israelcunapajman tigrangallami” nirca.

2 Corintios 7:1

Chaimanta c'uyashcacuna, Dios cushami nishcacunata charishcamantaca, ñucanchij aichatapish, yuyaitapish mapayachicujtaca tucui anchuchishunchij. Diosta manchashpa, tucui jucha illaj tucungacama paipajlla alli causashunchij.

Santiago 4:8

Diosman c'uchuyaichij, paipish cancunapajman c'uchuyangami. Juchayujcuna, maquicunata p'icharichij. Ishqui yuyaiyujcunapish, cancunapaj shungucunata chuyayachichij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.