LEVÍTICO 14:8 - Dios Rimashca Shimicunami

⁸ Lepra ungüimanta alliyashpa ima mapa illajlla tucujca, paipaj churanata tajshashpa, uma ajchatapish tucuita rutushpa yacuhuan armashpa ima mapa illajlla saquirichun. Chai q'uipaca carpa huasicuna tiyanman yaicushpapish, paipaj carpa huasi ucumanca ama yaicushpa canchis punllacunata canllallaman saquirichun.

LEVÍTICO 14:8 Iomraidhean Croise

2 CRÓNICAS 26:21

Jatun mandaj Uziasca huañungacamami, chai lepra ungüihuan causarca. Chaimantami pai jatun mandajca, lepra ungüi japishcacuna shinallataj shuj ucupi pailla causarca. Mandaj Diospaj huasiman cutin yaicuchunpish, ña mana saquircacunachu. Pai chashna ungushca cajpica, Jotam shuti paipaj churimi Judá llajtataca paipaj randi mandarca.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

ÉXODO 19:14

Moisesca israelcunapajman urcumanta uriyamushpaca, paicunatami chuyayachirca. Paicunaca paicunapaj churanacunatami tajsharca.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 14:20

tucuita cushpa tucui rupachina animaltaca, chaquishca granota Diosman cushcacunandij altar jahuapi churanga. Cura chai runapaj juchamanta cuna cashcata chashna cujpimi chai runaca ima mapa illaj saquiringa.

LEVÍTICO 14:9

Ña canchis punlla tucujpica paipaj uma ajchatapish, barbatapish, ñahui pata millmatapish, cuerpo millmatapish tucui rutuchun. Paipaj churanatapish tajshashpa, paipish yacupi armashpami ima mapa illajlla saquiringa.

LEVÍTICO 15:13

Quiya shina yacu cachariricuj runa alliyashpaca, chai alliyashca punllamanta canchis punllata yupashpa paipaj churanacunata tajshashpa, paipaj cuerpotapish callpacuj yacuhuan armashpa ima mapa illaj saquirichun.

LEVÍTICO 8:6

Chaipimi Moisesca Aarontapish, paipaj churicunatapish carpa huasi ñaupajman c'uchuyachishpa armachirca.

NÚMEROS 6:9

Cungaimanta maijanpish paipaj c'uchupi huañujpica, Diospajta rurangapaj ch'icanyarishpa nazareo tucushcapaj uma ajchaca mapayangami. Chashna tucushpaca, canchis punllacama maillarishpa, canchis punllapica ajchata rutuchichun.

NÚMEROS 8:7

Mapa illajlla cachunca cashna rurangui: Mapa illajllata ruraj yacuta paicunapaj jahuata tsirapangui. Paipaj tucui cuerpotapish cuchillohuan rasparichun, churanacunatapish tajshachun mandangui. Chashnami mapa illajlla tucunga.

DEUTERONOMIO 21:12

cambaj huasi ucupi churangui. Chaipi paica ajchata ruturishpa, sillucunatapish p'itishpa,

1 Pedro 3:21

Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.