LEVÍTICO 14:7 - Dios Rimashca Shimicunami

⁷ Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 14:7 Iomraidhean Croise

2 REYES 5:10

Chaimi Eliseoca Naamanman cashna nichun cacharca: “Jordán yacuman rishpa canchis cutin armagri. Chashna armashpaca cambaj aicha alli tucujpi lepramantaca chuya tucunguillami” nichunmi paipaj huillajta cacharca.

2 REYES 5:14

Chaimi Naamanca Jordanman uriyashpa Diospaj runa nishca shinallataj chai yacupi canchis cutin pambarirca. Paipaj aichaca uchilla huahuapaj aicha shina tucushpami chuya saquirirca.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ISAÍAS 52:15

Chai shinallatajmi achca llajtacunapish mancharingacuna. Jatun mandajcunapish paipaj ñaupajpica tucuicunami imata mana ni tucunga. Paicunaman pi mana parlashcatami uyangacuna. Maipi manataj uyashcatami yachaj chayangacuna.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

LEVÍTICO 13:13

chai ungushcataca curaca alli ricuchun. Chai caracha tucui cuerpota tapashca cajpica, chai carachalla runamanca ima mapa illaj cashcata huillachun. Tucui chaicunaca yurajyashcalla cajpica, paica chuyallatajmi canga.

LEVÍTICO 13:17

Chaitaca curami alli ricunga. Chai carachayashca yurajyashca cajpica, carachahuan caj runataca curami mapa illajmi cangui ninga. Paica ima mapa illajmi saquiringa.

LEVÍTICO 14:51

Chai q'uipaca cedro caspitapish, puca linsotapish, hisopo p'angatapish causaj pajarotapish japishpa, callpacuj yacu tiyacunpi huañuchishca pajaropaj yahuarta shutuchishcapi shutujyachishpa chai huasitaca canchis cutin tsirapachun.

LEVÍTICO 16:14

Chai q'uipaca Aaronca, huagrapaj yahuarta paipaj dedohuan japishpa propiciatorio jahuataca inti llujshin ladollata tsirapachun. Propiciatorio ñaupaj ladotapish chai yahuarllahuantaj paipaj dedohuan canchis cutin tsirapachun.

LEVÍTICO 16:19

Chai altar jahuata chai yahuarhuan paipaj dedohuan canchis cutin tsirapashpami, israelcuna paicunapaj mapahuan mapayachishcataca ima mapa illajllata rurashpa paipajlla ch'icanchinga.

LEVÍTICO 16:22

Chai chivoman tucui israelcuna millaita rurashcacunataca paipaj jahuapi apachishpa chulunlla shitashca pambata richun cachachun.

LEVÍTICO 4:17

Chai curaca paipaj dedota chai yahuarpi shutujyachishpa, Mandaj Diospajlla ch'icanchishca ucuta jarcachishca linso ñaupajpi canchis cutin tsirapachun.

LEVÍTICO 4:6

Chai curallataj paipaj dedota chai yahuarpi shutujyachishpa, Mandaj Diospajlla ch'icanchishca ucuta jarcachishca linso ñaupajpi canchis cutin tsirapachun.

LEVÍTICO 8:11

Chai aceitehuanca altar jahuatapish canchis cutinmi tsiraparca. Chashnami altartapish chaipi tucui imallata ruranacunandij Diospajlla cachun ch'icanchirca. Tanquetapish, tanqueta tiyachina basatapish chashnallatajmi Diospajlla cachun ch'icanchirca.

MIQUEAS 7:19

Paica ñucanchijtaca cutinllatajmi llaquinga. Ñucanchij millaita rurashcacunatapish pambangami. Ñucanchij juchacunatapish mama cucha ucumanmi shitanga.

NÚMEROS 19:12

Chai runaca mapayashca quimsa punllapi mapa illajllata rurana yacuhuan mapa illajlla tucuchun. Canchis punlla tucujpipish chai yacuhuan mapa illajlla tucuchun. Chaipimi paica mapa illaj tucunga. Chai punllacunapi chai yacuhuan mana mapa illajlla tucushpaca mapallatajmi canga.

Juan 19:34

Shuj soldadollami paitaca costilla quinripi lanzahuan satijpi yahuarndij, yacundij llujshirca.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

Hebreos 9:13

Malta torocunapaj, c'ari chivocunapaj yahuarta huarmi bizita altarpi rupachishca ushpata millaita rurajcunapaj jahuapi tsirapajpica, mapamantapish jahua aichataca allichishpa chuyayachi tucunmi.

Hebreos 9:19

Moisesca Mandashcapi tucui imalla nishcacunata tucuicunaman huillashpaca, c'ari bizicunapaj, c'ari chivocunapaj yahuarta japishpami, yacuhuan chagrushpa puca millma hisopota satishpa Mandashcata quillcashca librotapish, tucui chaipi cajcunapaj jahuatapish,

Hebreos 9:21

Chaita rurashca q'uipaca Diospaj carpa huasitapish, Diospajta rurana tucui vasocunatapishmi yahuarhuan tsirapashca.

Hebreos 9:26

Cutin cutin llaquita apacunalla cashca cajpica, Cristoca cai pacha callarimantami llaquita apacunmanlla carca. Ashtahuanpish Dios cusha nishca punlla pajtajpimi, jucha chaupimanta anchuchingapaj shuj cutinlla huiñaipaj paillataj curishpa huañurca.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.