LEVÍTICO 14:12 - Dios Rimashca Shimicunami

¹² Chai curami apamushcacunamanta shuj malta ovejata japishpaca shuj log aceitehuan, rurangui nishcata mana rurashca juchamantaca Diosman cunga. Chaicunataca Mandaj Diospaj ñaupajpi huichi ricuchishpa cuyuchishpa paiman cuchun.

LEVÍTICO 14:12 Iomraidhean Croise

ÉXODO 29:22

Chai carneroca ñucapajlla ch'icanchingapaj cushca cashcamanta chupata, chunllullipi, yana shungupi, ishqui riñoncunapi tiyaj huirata riñoncunandij llujshichingui. Alli lado changatapish japingui.

ÉXODO 29:24

Aaronpaj maquicunapipish, paipaj churicunapaj maquicunapipish churangui. Paicunaca chaicunataca Mandaj Diosman caiman chaiman cuyuchishpa cushca cachunmi caiman chaiman cuyuchishpa cunga.

ÉXODO 29:26

Ñucapajlla cachun Aaronta ch'icanchingapaj cushca carneropaj pecho aichata japishpa caiman chaiman cuyuchishpa Mandaj Diosman cushca cachun, Mandaj Diospaj ñaupajpi caiman chaiman cuyuchingui. Chaitaca can japingui.

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

LEVÍTICO 14:10

Ña pusaj punlla tucujpica ima mana tucushca ishqui malta ovejata, shuj huatayuj ima mana tucushca huarmi ovejatapish apamuchun. Shinallataj Diosman cuna cashcataca sujta kilo chaupi ashtahuan alli cutata aceitehuan chapushcata, shuj log nishca aceitetapish apamuchun.

LEVÍTICO 14:11

Mapa illajllata ruracuj curami lepra ungüimanta alliyashcamanta mapa illajlla tucucujtapish, mapa illajllata rurangapaj cunapaj apamushcacunatapish Mandaj Dioshuan tupana carpa huasi pungupi Mandaj Diospaj ñaupajpi churanga.

LEVÍTICO 14:19

Chai q'uipaca mapayashca runa chuyayashca cachunmi, paipaj juchamanta cura cushpa rupachinga. Chai huashaca tucuita cushpa tucui rupachingapaj cushca animalta huañuchishpami,

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.