LEVÍTICO 13:59 - Dios Rimashca Shimicunami

⁵⁹ Chai mandashcacunaca millma churanapi cashpa, lino churanapi cashpa, urdishca puchcapi cashpa, ahuashcapi cashpa, caramanta rurashca ima charinacunapi cashpapish mapayashca ricurijpica, lepra mapa ungüi cashcata mana chai cashcata ima shinalla ricunata yachachishcacunami.

LEVÍTICO 13:59 Iomraidhean Croise

LEVÍTICO 13:47

Ima churanapi mapa lepra ungüi ricuringachari. Millma churanapi cashpa, lino churanapi cashpa,

LEVÍTICO 13:48

urdishca puchcapi cashpa, linomanta ahuashcapi cashpa, millmamanta ahuashcapi cashpa, caramanta rurashcapi cashpa, caramanta rurashca ima charinapi cashpapish lepra p'ulasyashca ricuringachari.

LEVÍTICO 13:58

Ashtahuanpish ima churana cashpa, urdishca puchca cashpa, ahuashca cashpa, caramanta rurashca ima charinacuna cashpapish tajshashca q'uipa mapayashca chingarijpica, cutinllataj tajshachuncuna. Chai q'uipaca ima mapa illajmi saquiringa” nircami.

LEVÍTICO 14:1

Mandaj Diosca Moisesta mandashpaca:

LEVÍTICO 14:2

Lepra ungüihuan cashpa chuyayangapaj imallata ruranaca caicunami: Leprahuan cajca curaman ricuchigrichun.

LEVÍTICO 14:32

Chai mandashcacunaca caracha lepra ungüimanta alliyashcacuna chuyayangapaj huajchalla cashpaca chaicunallata cuchun mandashcami.

LEVÍTICO 14:57

ima shina mapa cashcata, ima shina mana mapa cashcata ricuchinata yachachingapaj mandashcami. Lepra ungüimanta imallata ruranata mandashcacunaca tucui chaicunami.

LEVÍTICO 15:31

Israelpaj huahua huahuacunataca mapamanta chuyayachirashpa charinguichij. Paicunapaj chaupipi caj ñuca carpa huasita paicunapaj mapahuan mapayachishcamanta ama huañuchunmi chashna chuyata charina canguichij” nircami.

LEVÍTICO 15:32

Tucui cai mandashcacunaca quiya shina yacu cachariricujcuna, yuraj yacu yangallamanta llujshijpi mapa tucujcuna imallata ruranata mandashcami.

NÚMEROS 30:16

Tucui chai mandashcacunaca, Mandaj Dios Moisesta huillachishpa mandashcami. Mandaj Diospajta shuj huarmi rurana tucushcataca paipaj cusa rurai nijllapi ruranata. Shuj soltera paipaj yayapaj huasipi causacushparaj Mandaj Diospajta rurana tucushcataca paipaj yaya rurai nijllapi rurana cashcata mandashcami.

NÚMEROS 36:13

Cai mandashcacunaca israelcunata Moisés mandachun Mandaj Dios cushca mandashcami. Chaitaca Jericó ch'imbapurapi caj Jordán yacu c'uchupi caj Moab pambapimi curca.

NÚMEROS 5:29

Maijan huarmipish mana paipaj cusapajlla tucushpa shujtaj c'arihuan mapayashcamanta cusa juchachijpi imallata ruranata mandashcaca chaicunami.