LEVÍTICO 13:51 - Dios Rimashca Shimicunami

⁵¹ Ña canchis punlla tucujpi, chai mapayashcataca cura cutin alli ricujpi churanapi cashpa, urdishca puchcapi cashpa, puchcata ahuashcapi cashpa, carapi cashpa, caramanta rurashca ima charinapi cashpapish ashtahuan mirarishca cashpaca chai millai lepra ungüimi canga. Chaimanta chai charinacunaca mapami canga.

LEVÍTICO 13:51 Iomraidhean Croise

LEVÍTICO 13:48

urdishca puchcapi cashpa, linomanta ahuashcapi cashpa, millmamanta ahuashcapi cashpa, caramanta rurashcapi cashpa, caramanta rurashca ima charinapi cashpapish lepra p'ulasyashca ricuringachari.

LEVÍTICO 13:50

Chai mapayashcata cura alli ricushpa, chai mapayashcacunataca canchis punllacama huichcachun.

LEVÍTICO 13:52

Churanapi cashpa, urdishca puchcapi cashpa, millmata ahuashcapi cashpa, linota ahuashcapi cashpa, mana cashpaca caramanta rurashca ima charinacunapi cashpapish chashna mapayashca cashpaca millai leprami canga. Chaitaca ninapi rupachichun.

LEVÍTICO 14:39

Ña canchis punlla tucujpi, cura cutin tigramushpa alli ricuchun. Pai ricunapaj chai huasi pata quinricunapi llaquichij mapaca ashtahuan mirarishca cajpica,

LEVÍTICO 14:44

curami chaiman yaicushpa alli ricunga. Chai llaquichij mapa chai huasipi ashtahuan mirarishca cajpica, chai huasipica millai lepra ungüimi canga. Chaica mapami canga.