LEVÍTICO 13:45 - Dios Rimashca Shimicunami

⁴⁵ Lepra caracha ungüihuan cajca: Lliqui churanacunata churarishpa, umatapish mana ch'ungullishpa, ñahuitapish mana taparishpa, ¡Mapami cani, mapami cani! nishpa caparirichun.

LEVÍTICO 13:45 Iomraidhean Croise

GÉNESIS 37:29

Chai q'uipami Rubenca, chai jutcuman tigrashpa chaipi Joseta ña mana japishpaca, paipaj churanata lliquirirca.

2 SAMUEL 13:19

Tamarca ushpata japishpami paipaj umapi shitarirca. Murujlla churanata churarishcatapish lliquirishpami, paipaj uma jahuapi maquicunata churashpa caparirishpa rirca.

2 REYES 7:3

Samariaman yaicuna pungupimi lepra ungüi japishca, chuscu runacuna tiyacurcacuna. Paicunaca caishuj chaishujmi: –¿Maitataj huañungacamaca caipi tiyacushunllari?

JOB 1:20

Chaimantaca Jobca jatarishpami, paipaj churanatapish lliquirishpa, uma ajchatapish rasparishpa, pambapi cungurishpa Diosta adorashpa,

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

SALMOS 51:3

Quiquinta ñuca c'ariyashcacunataca rijsirinimi. Ñuca juchallishcaca ñuca ñaupajpi ricuricunllamari.

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

ISAÍAS 6:5

Chaimi ñucaca: “¡Aij, ñucalla ña huañunimi nircani! Ñucaca mapa shimicunata rimaj runamari cani. Mapa shimicunata rimaj runacunapaj chaupipipishmari causani. Chashna runami ñuca ñahuicunahuantaj Jatun Mandajta ricuni. Tucuita Mandaj Diostamari ricuni” nircanimi.

ISAÍAS 64:6

Ashtahuanpish ñucanchijca tucuicunamari mapacuna shina tucushcanchij. Ñucanchij cashcata ruranchij nishcacunapish mapa llachapa shinami tucushca. Tucui ñucanchijca p'angacuna shinami urmarcanchij. Ñucanchij millaita rurashcacunallatajmari huaira shina apashca.

JEREMÍAS 3:25

Ñucanchij ñaupa yayacunapish, ñucanchijpish huambramantapacha cunancamamari juchata rurashpa, ñucanchijta Mandaj Diostaca p'iñachishpa causanchij. Chashna rurashca jahuamari, ñucanchijta Mandaj Dios rimashcatapish manataj uyashun nircanchij. Chaimantamari cunanca maita mana llujshipaj jatun llaqui tucushpa, pingaihuan huañucunchij” nircacunami.

JEREMÍAS 36:24

Chai tucui shimicunata uyashpaca jatun mandajpish, paita servij tucui mandajcunapish mana mancharcacunachu. Churanacunallatapish mana lliquircacunachu.

LAMENTACIONES 4:15

Paicunataca: “¡Mapa runacunami, anchurichij anchurichij, ama tuparichijchu!” nishpami caparircacuna. Llujshishpa caita chaita rircacunami. Shujtaj llajta runacunaca: “Caipica ña mana ashtahuan causangacunachu” nircacunami.

EZEQUIEL 24:17

Allijlla shungu llujshinguilla, huañushcamanta churarina churanatapish ama churaringuichu. Ashtahuanpish umapica turbanteta churaringuilla, chaquipica zapatocunata churaringuilla, ñahuitapish ama pillurishca churanahuan taparinguichu, huañuipi yanushca micunatapish ama micunguichu” nircami.

EZEQUIEL 24:22

Shinallataj cancunapish ñuca imalla rurashca shina ruraichij. Ama cancunapaj ñahuita pillurishca churanahuan taparichijchu. Huañuipi yanushca micunatapish ama micunguichijchu.

JOEL 2:13

Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

LEVÍTICO 10:6

Chaimi Moisesca Aarontapish, paipaj churicuna Eleazartapish, Itamartapish: –Paicunamanta cancuna llaquilla cashcata ama ricuchingapajca cancunapaj uma ajchatapish alli allichiringuichij, cancunapaj churanacunatapish ama lliquirichijchu. Chashna rurashpami cancunapish mana huañunguichij. Diospaj p'iñarishcapish tucui israelcunapaj jahuamanca mana shamunga. Mandaj Dios rupachishpa huañuchishcamantaca, tucui Israel cancunapaj huauquicuna huacangallacunami.

LEVÍTICO 13:44

lepra ungüihuanmi canga. Chaica mapami canga. Chaitaca cura alli ricushpa uma carachayashcapi lepra japishca cashcamanta mapa cashcata huillachun.

LEVÍTICO 21:10

Curacunata mandaj curaca, Diospajlla ch'icanchishca cashcata ricuchinapaj aceitehuan umapi churashca cashcamanta, Diospajlla ucuman yaicunapaj churarinata churarij cashcamanta paica paipaj uma ajchatapish alli allichirichun, paipaj churanacunatapish ama lliquirichun.

MIQUEAS 3:7

Chashna tucujpimi, Dios ima nishcata huillajcunami canchij nijcunaca pingai tucungacuna. Adivinocunapish musparingacunami. Paicunaca Taita Dios mana imata cutichijpimi, tucuicuna shimita huichcangacuna” ninmi.

NÚMEROS 5:2

“Israelcunataca: Leprahuan cajcunatapish, yuraj yacu cacharirishpa ungushcacunatapish, huañushcapi tuparishcamanta mapayashcacunatapish cancuna causacun carpa huasicunamanta caruman churachun mandai.

Lucas 17:12

Shuj uchilla llajtaman yaicugrijpica, leprahuan caj chunga runacunami Jesushuan tupanaman shamurcacuna. Paicunaca carullamanmi shayarircacuna.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.