LEVÍTICO 13:4 - Dios Rimashca Shimicunami

⁴ Chai ungushcapaj cuerpopi yurajyashca cashpapish, chai caracha mana ucujta cajpica, millmapish mana yurajyashca cashca cajpica, curami chai ungushcataca canchis punllacunata huichcanga.

LEVÍTICO 13:4 Iomraidhean Croise

EZEQUIEL 44:10

Shinallataj israelcuna paicunapaj rurashcalla dioscunata adorashpa ñucamanta caruyajta ricushpaca, levitacunapishmi ñucamanta caruyarcacuna. Chashna rurashcamantaca, paicunapishmi llaquita apangacuna.

LEVÍTICO 13:11

chai runapaj cuerpopica mana alliyaipaj lepra ungüimi canga. Cura chaita ricushpaca ña mapa cashcamanta mana huichcashpapish mapa cashcata huillachun.

LEVÍTICO 13:25

Chaitaca cura alli ricuchun. Chai rupashcapi millmapish yurajyashca cajpica, aicha carapish ucujta yaicurishca cajpica, chai rupashcapi lepra ungüi tucushcami canga. Chai carachapi lepra ungüi tucushcamantaca, chai ungushcamanca curaca mapa cashcata huillachun.

LEVÍTICO 13:26

Chaita cura alli ricunapajca millmapish mana yurajyashca cajpi, aicha carachayashcapish mana ucujta cajpi, ashtahuanpish yanayashpa alli tucushca cajpica, chai curaca ungushcataca canchis punllacama huichcachun.

LEVÍTICO 13:3

Cuerpopi carachayashca ima ungüi cashcataca curami ricunga. Carachayashcapi millma yurajyashca cajpi, chai carachaca aicha cara ucujta cajpica lepra ungüimi canga. Chai ungüitaca cura alli ricushpami mapa cashcata huillanga.

LEVÍTICO 13:31

Ashtahuanpish chai carachayashca ungüita cura alli ricunapajca, aicha cara mana ucujta yaicurishca cajpi, yana ajchapish mana ricurijpica chai caracha ungüihuan cajtaca chai curaca canchis punllacunacama huichcachun.

LEVÍTICO 13:5

Ña canchis punllacuna tucujpica, chai runapaj caracha ima shina tucushcata cura alli ricuchun. Chai caracha mana ashtahuan mirarishpa chai shinallataj cajpica, chai runataca shujtaj canchis punllahuan huichcachun.

LEVÍTICO 13:50

Chai mapayashcata cura alli ricushpa, chai mapayashcacunataca canchis punllacama huichcachun.

LEVÍTICO 14:38

curaca chai huasimanta llujshishpa, chai huasitaca canchis punllacama huichcachun.

NÚMEROS 12:14

Chaimi Mandaj Diosca Moisestaca: “Paipaj yaya ñahuipi ch'ucashcamantaca ¿manachari canchis punllacunata pingailla cangari? Chaimanta canchis punllacama carpa huasicunamanta llujshichichij. Chai q'uipaca israelcunapajman tigrangallami” nirca.

NÚMEROS 12:15

Chaimi Mariataca, carpa huasicunamanta caruman canchis punllacama llujshichishca carca. María paicunapajman tigrangacama israelcunaca mana shujtajman rircacunachu.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

DEUTERONOMIO 13:14

Chashna uyarijpica chai yuyailla tucushpa chashnataj cashcata mana chashnataj cashcata alli tapushpa mashcangui. Cancunapurapi chashnataj millananata rurashca cajpica,

1 Timoteo 5:24

Maijancunapaj juchacunaca, pi manaraj tapujpimi ricurin. Ashtahuanpish shujtajcunapajca, q'uipatami yacharin.