LEVÍTICO 13:25 - Dios Rimashca Shimicunami

²⁵ Chaitaca cura alli ricuchun. Chai rupashcapi millmapish yurajyashca cajpica, aicha carapish ucujta yaicurishca cajpica, chai rupashcapi lepra ungüi tucushcami canga. Chai carachapi lepra ungüi tucushcamantaca, chai ungushcamanca curaca mapa cashcata huillachun.

LEVÍTICO 13:25 Iomraidhean Croise

2 REYES 5:27

Chaimanta cunanca Naamanpaj lepra ungüica cambaj aichamanmi pasanga. Cambaj huahua huahuacunapishmi, tucui causaipi chai ungüihuan causangacuna– nircami. Shina nijpi Giezica tucui paipaj aicha rasu shina yurajlla lepra ungüillami Eliseopaj ñaupajmanta llujshirca.

ÉXODO 4:6

Mandaj Diosca cashnapishmi nirca: –Cunanca cambaj maquita ñuñu ucui– nijpi, maquita ñuñu ucushpa cutin llujshichijpica, paipaj maquica rasu shina yurajlla leprahuan cajtami ricurca.

LEVÍTICO 13:24

Shinallataj maijanpajca aicha cara ninapi rupashca cashcamanta pucayashca mana cashpaca yurajyashca ricuringachari.

LEVÍTICO 13:26

Chaita cura alli ricunapajca millmapish mana yurajyashca cajpi, aicha carachayashcapish mana ucujta cajpi, ashtahuanpish yanayashpa alli tucushca cajpica, chai curaca ungushcataca canchis punllacama huichcachun.

LEVÍTICO 13:4

Chai ungushcapaj cuerpopi yurajyashca cashpapish, chai caracha mana ucujta cajpica, millmapish mana yurajyashca cashca cajpica, curami chai ungushcataca canchis punllacunata huichcanga.

NÚMEROS 12:10

Mandaj Diospaj carpa huasimanta p'uyu ña rijpica, Mariapica leprami jundarca. Paipaj aichaca rasu shina yurajmi tucurca. Mariata Aarón ricushpaca, leprahuan cajta ricushpami,