LEVÍTICO 13:24 - Dios Rimashca Shimicunami

²⁴ Shinallataj maijanpajca aicha cara ninapi rupashca cashcamanta pucayashca mana cashpaca yurajyashca ricuringachari.

LEVÍTICO 13:24 Iomraidhean Croise

ISAÍAS 3:24

Mishquijllata ashnacujhuan churarishca canapaj randica, millananata ashnacujmi tucungacuna. Chumbipaj randica, huascahuanmi chumbilliringacuna. Sumajta allichirishca ajcha canapaj randica, ajcha illaj lluchu umami tucungacuna. Sumaj churanacunata churarishca canapaj randica, cañamazuta churarishcami cangacuna. Alaja sumaj canapaj randica, ninapi rupashca alliyacuj shinami cangacuna.

LEVÍTICO 13:10

Chai ungushcata cura alli ricushpaca aicha carapi yuraj chupu tucushcata, chai millmapish yurajyashcata, ucu llullu aichapish ricurishca cajpica,

LEVÍTICO 13:19

Ashtahuanpish carachayashca cashcapica p'unguishca, mana cashpaca yuraj puca cangachari. Chashna cajpica curaman ricuchinaman richun.

LEVÍTICO 13:23

Ashtahuanpish chai yurajyashca aicha mana ashtahuan mirarishpa chaillapitaj cajpica, caracha alliyashpa chaquirishcallami canga. Chashna cajpica, chai curaca mapa illaj cashcata huillachun.

LEVÍTICO 13:25

Chaitaca cura alli ricuchun. Chai rupashcapi millmapish yurajyashca cajpica, aicha carapish ucujta yaicurishca cajpica, chai rupashcapi lepra ungüi tucushcami canga. Chai carachapi lepra ungüi tucushcamantaca, chai ungushcamanca curaca mapa cashcata huillachun.