LEVÍTICO 13:22 - Dios Rimashca Shimicunami

²² Caracha ungüi ashtahuan mirarishca cajpica, paitaca lepra ungüimi japishca canga. Chaimanta curaca mapa cashcata huillachun.

LEVÍTICO 13:22 Iomraidhean Croise

LEVÍTICO 13:2

“Maijanpaj cuerpo carapi p'unguishca ricurijpi, sisucuna llujshijpi, mana cashpaca mirga aicha yurajyashca ricurijpi, mana cashpaca paipaj cuerpopi lepratajlla caracha ricurijpica Aarón curapajman, mana cashpaca maijan paipaj churi curacunapajman apachun.

LEVÍTICO 13:21

Chaita cura alli ricunapajca millmapish mana yurajyashca cajpi, aicha carachayashcapish mana ucujta cajpi, ashtahuanpish yanayashpa alli tucushca cajpica, chai curaca ungushcataca canchis punllacama huichcachun.

LEVÍTICO 13:23

Ashtahuanpish chai yurajyashca aicha mana ashtahuan mirarishpa chaillapitaj cajpica, caracha alliyashpa chaquirishcallami canga. Chashna cajpica, chai curaca mapa illaj cashcata huillachun.

LEVÍTICO 14:39

Ña canchis punlla tucujpi, cura cutin tigramushpa alli ricuchun. Pai ricunapaj chai huasi pata quinricunapi llaquichij mapaca ashtahuan mirarishca cajpica,