LEVÍTICO 13:2 - Dios Rimashca Shimicunami

² “Maijanpaj cuerpo carapi p'unguishca ricurijpi, sisucuna llujshijpi, mana cashpaca mirga aicha yurajyashca ricurijpi, mana cashpaca paipaj cuerpopi lepratajlla caracha ricurijpica Aarón curapajman, mana cashpaca maijan paipaj churi curacunapajman apachun.

LEVÍTICO 13:2 Iomraidhean Croise

2 SAMUEL 3:29

Chaica Joabpaj paipaj yayapaj familiapaj jahuallapitaj urmashca cachun. Chaimanta Joabpaj huasipica yahuar cachariricujcunapish, lepra ungüihuan cajcunapish, taunallahuan purijcunapish, espadapi huañujcunapish, yaricaihuan cajcunapish amataj illachun” nircami.

2 REYES 5:1

Naamanca, Siria llajtata jatun mandajpaj soldadocunata mandajmi carca. Siria llajtataca Mandaj Diosca Naamanmantami quishpichirca. Chaimi Siria llajtata jatun mandaj c'uyashca alli nishca carca. Naamanca yallitaj c'ari c'ari runami carca. Chashna cashpapish lepra ungüihuanmi carca.

2 REYES 5:27

Chaimanta cunanca Naamanpaj lepra ungüica cambaj aichamanmi pasanga. Cambaj huahua huahuacunapishmi, tucui causaipi chai ungüihuan causangacuna– nircami. Shina nijpi Giezica tucui paipaj aicha rasu shina yurajlla lepra ungüillami Eliseopaj ñaupajmanta llujshirca.

ISAÍAS 1:6

Chaqui plantamanta umacama maipi mana sanochu. Ashtahuanpish chugri, p'unguishca, carachayashpa ismucunguichijmi. Pi mana jambishca, pi mana pilluchishpa huatashca, aceitehuan churashpa pi mana nuyuchishcami canguichij.

ISAÍAS 3:17

Chaimantami Jatun Diosca, Sionpaj ushushicunataca, lluchu umata saquinga. Mandaj Diosca paicunapaj pinganayaj aichatapish, lluchullatami ruranga.

LEVÍTICO 13:1

Mandaj Diosca Moisestapish, Aarontapish mandashpaca:

LEVÍTICO 13:3

Cuerpopi carachayashca ima ungüi cashcataca curami ricunga. Carachayashcapi millma yurajyashca cajpi, chai carachaca aicha cara ucujta cajpica lepra ungüimi canga. Chai ungüitaca cura alli ricushpami mapa cashcata huillanga.

LEVÍTICO 13:8

Chai ungushcataca curami alli ricunga. Caracha tucui aichata mirarishca cajpica, lepra ungüillatajmi canga. Chai ungushcataca mapa cashcatami huillanga

LEVÍTICO 14:3

Chai curami carpa huasicunamanta canllaman tupashpa alli ricunga. Lepra ungüihuan cajpaj caracha ña alliyashcata ricushpaca,

LEVÍTICO 14:35

chai huasiyujca curapajman rishpa: Ñuca huasipica ima cashpaca llaquichij mapamari ricurin nishpa huillachun.

LEVÍTICO 14:56

Shinallataj p'unguishca ricurijpipish, sisu ricurijpipish, yurajyashca ricurijpipish,

MALAQUÍAS 2:7

Cura yachachishcamantami, yachaisapa tucungacuna. Pai huillashcamantami, tucuicunallataj mandashcata yachanata munangacuna. Paica tucuita Mandaj Diosmanta huillajmi.

NÚMEROS 12:10

Mandaj Diospaj carpa huasimanta p'uyu ña rijpica, Mariapica leprami jundarca. Paipaj aichaca rasu shina yurajmi tucurca. Mariata Aarón ricushpaca, leprahuan cajta ricushpami,

NÚMEROS 12:12

Mariataca huañushca huahua huacharishca shina cachunpish, mamapaj huijsamanta llujshi pachamanta chaupi aicha ismushca shina cachunpish ama saquihuaichu” nijpimi,

Mateo 8:4

Chaimi Jesusca: –Riqui, canta pi alliyachishcata pajta piman huillanguiman. Curaman ricuchigri. Can alliyashcamantaca Moisés mandashca shina ofrendata cugri. Chashna rurajpimi curacunaca can alliyashca cashcata yachangacuna– nircami.

Marcos 1:44

–Riqui, canta pi alliyachishcata pajta piman huillanguiman. Curaman ricuchigri. Can alliyashcamantaca, Moisés mandashca shina ofrendata cugri. Chashna rurajpimi curacunaca can alliyashca cashcata yachangacuna– nircami.

Lucas 17:14

Jesús paicunata ricushpaca: –Richij, curacunaman ricuchirigrichij– nijpi ñanta ricushpaca ña alliyarcacunallami.

Lucas 5:14

Canta pi alliyachishcataca pajta piman huillanguiman nishpami Jesusca: –Ri, curapajpi ricuchirigri. Can alliyashcamantaca Moisés mandashcapi nishca shina cugri. Chashna rurajpimi curacunaca can alliyashca cashcata yachangacuna– nircami.

DEUTERONOMIO 24:8

Millai lepra ungüitaca alli chaparashpa cuidaringui. Levita curacuna yachachijpica, paicuna yachachishca shina rurangui. Ñuca ima shina cuidarichun nishca shinataj cuidaringuichij.

DEUTERONOMIO 28:27

Mandaj Diosca egipciocunata llaquichishca mana jambiri tucuipaj úlcera ungüihuan, chupu ungüihuan, caracha ungüihuan, shijshi ungüihuanmi cancunataca llaquichinga.