LEVÍTICO 12:7 - Dios Rimashca Shimicunami

⁷ Chaicunataca Mandaj Dios chai huarmipaj juchata perdonachun curami Diosman cunga. Chashna rurajpimi chai huarmica yahuar cachariricushcamanta mapa illajlla saquiringa. Chai mandashcacunaca c'ari huahuata cashpa, huarmi huahuata cashpa huachaj huarmi imallata rurachun mandashcami.

LEVÍTICO 12:7 Iomraidhean Croise

JOB 1:5

Chai jatun micui punllacuna tucurishca q'uipami Jobca paipaj tucui huahuacunapaj juchacunata anchuchichun utcata jatarishpa, Diosman animalcunata cushpa huañuchishpa tucuita rupachij carca. Jobca, ñuca huahuacunaca imapi juchallircallapishchari, Diostapish p'iñashpa paicunapaj shungupi c'amircacunallapishchari yuyashpami, fiesta tucurishca q'uipaca chashna ruraj carca.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

LEVÍTICO 1:4

Chai cucujca Mandaj Diosman cushpa tucui rupachina animalpaj uma jahuapi paipaj maquita churachun. Chaimi, juchamanta cushca cashcamanta chasquinga.

LEVÍTICO 12:6

C'ari huahuata cashpa huarmi huahuata cashpa huachashcamanta chuyayana punllacunata ña tucuchishpaca, Diosman tucuita cushpa tucui rupachinapajca shuj huatayuj ovejata, juchamanta cungapajca shuj palomata, mana cashpaca shuj urpita Dioshuan tupana carpa huasi punguman apamushpa curaman cuchun.

LEVÍTICO 12:8

Chai huarmica, ovejapaj mana charishpaca ishqui urpita, mana cashpaca ishqui palomata cashpa apamuchun. Chaicunamanta shujtaca tucui cushpa tucui rupachingapaj, caishujtaca juchamanta cungapaj apamuchun. Chaicunataca chai huarmipaj juchamanta Diosman cura cujpimi, paica ima mapa illajlla saquiringa” nircami.

LEVÍTICO 15:15

Chaicunataca curami shujtaca juchamanta cuna cashcata, caishujtaca tucuita cushpa tucui rupachinata Mandaj Diosman cunga. Chashnami curaca quiya shina yacu cachariricuj runataca Mandaj Diospaj ñaupajpi ima mapa illajta ruranga.

LEVÍTICO 4:20

Chai malta huagrataca curapaj juchamanta cushca huagrata cushpa rupachij shinallataj rupachichun. Paicunapaj juchamantaca cura chashna cushpa rupachichun. Chashna rurashpami, Mandaj Dios perdonashca cangacuna.

LEVÍTICO 4:26

Chai q'uipaca, Mandaj Dioshuan alli cangapaj Mandaj Diosman cushca animalpaj huirata shinallataj, chai huiratapish tucuita altar jahuapi rupachichun. Chai mandajpaj juchamantaca cura chashna Mandaj Diosman cuchun. Chaimi paica Mandaj Dios perdonashca canga.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 4:35

Chai q'uipaca Mandaj Dioshuan alli cangapaj Mandaj Diosman cushca animalpaj huirata llujshichishca shinallataj, chai animalpaj huiratapish tucuita llujshichichun. Chaitaca Mandaj Diosman cushpa rupachicushca jahuapi churashpa cura rupachichun. Juchallijmantaca cura Mandaj Diosman cushpa chashna rupachichun. Chaimi Mandaj Diosca paitaca perdonanga.

Romanos 3:23

Tucuicuna juchallishcamantami, Diospaj sumajmantaca anchuchishca carcacuna.

Romanos 3:26

Chashna cashcata rurajta ruraj cashcataca cunan punllacunapi rurashpami ricuchisha nishca. Chaimi Jesusta crijpica pai ima shinami cashcata ruraj chai shinallatataj ruran.

1 Corintios 7:14

Mana crij cusaca crij huarmimantaca, jucha illajta rurashcami. Shinallataj mana crij huarmipish crij cusamantaca chashnallatajmi. Mana chashna cajpica, cancunapaj huahuacunaca mapacunami canman. Ashtahuanpish cunanca, paicunapish jucha illajcunami.

Gálatas 3:28

Chaimanta judiopish, griegopish, esclavopish, mana esclavopish, c'aripish, huarmipish ña mana tiyanchu. Cancunaca tucuicunami Cristo Jesuspi shujlla canguichij.