LEVÍTICO 12:6 - Dios Rimashca Shimicunami

⁶ C'ari huahuata cashpa huarmi huahuata cashpa huachashcamanta chuyayana punllacunata ña tucuchishpaca, Diosman tucuita cushpa tucui rupachinapajca shuj huatayuj ovejata, juchamanta cungapajca shuj palomata, mana cashpaca shuj urpita Dioshuan tupana carpa huasi punguman apamushpa curaman cuchun.

LEVÍTICO 12:6 Iomraidhean Croise

GÉNESIS 15:9

Shina nijpimi Mandaj Diosca: –Quimsa huatayuj huarmi bizita, quimsa huatayuj chivata, quimsa huatayuj carnerota, shuj urpita, shuj palomata apamui– nirca.

LEVÍTICO 12:2

“Israelcunataca cashna nishpa mandai: Maijan huarmi c'ari huahuata huachashpaca, quillanta shamuna yahuar shamujpi shinallatajmi canchis punllacama mapa canga.

LEVÍTICO 12:5

Huarmi huahuata huachashpaca, quillanta shamuna yahuar shamucujpi shinallatajmi ishqui semanacama mapa canga. Huachajpi yahuar shamucushcamantaca, mapa illajlla tucungapaj maillarinataca sujta chunga sujta punllacunacama rurachun.

LEVÍTICO 12:7

Chaicunataca Mandaj Dios chai huarmipaj juchata perdonachun curami Diosman cunga. Chashna rurajpimi chai huarmica yahuar cachariricushcamanta mapa illajlla saquiringa. Chai mandashcacunaca c'ari huahuata cashpa, huarmi huahuata cashpa huachaj huarmi imallata rurachun mandashcami.

LEVÍTICO 14:22

Shinallataj ishqui urpita cashpa, ishqui palomata cashpa pai apamui tucushcallata apamuchun. Chai animalcunamanta shujtaca juchamanta cungapaj, caishujtaca tucuita cushpa tucui rupachinapaj apamuchun.

LEVÍTICO 15:14

Pusaj punllapica, ishqui urpita cashpa, ishqui palomata cashpa japishpa, Mandaj Diospaj ñaupajman shamushpa Mandaj Dioshuan tupana carpa huasi pungupi curaman cuchun.

LEVÍTICO 15:29

Pusaj punllapica ishqui urpita cashpa, ishqui palomata cashpa, Mandaj Dioshuan tupana carpa huasi punguman apamushpa curaman cuchun.

NÚMEROS 6:10

Pusaj punllapica ishqui urpita cashpa, mana cashpaca ishqui palomata cashpa Dioshuan tupanacuna carpa huasi punguman curapajman apamuchun.

Lucas 2:22

Huachashca q'uipa maillarina punllacunata pajtachishpaca, Jatun Diospaj ñaupajpi alli ricuringapajca Moisés Mandashca shinallatajmi rurarcacuna. Chai q'uipami, huahua Jesustaca Jatun Diospaj ñaupajman paiman cungapaj Jerusalenman apamurcacuna.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.