LEVÍTICO 12:3 - Dios Rimashca Shimicunami

³ Chai huahuataca huacharishcamanta pusaj punllapica circuncisionta rurashca cachun.

LEVÍTICO 12:3 Iomraidhean Croise

ÉXODO 22:30

Cancunapaj huagracuna, cancunapaj ovejacuna punta huachashca c'ari animalcunataca chashnallataj ruranguichij. Paicunaca canchis punllacunallata mamahuan cachun. Pusaj punllapica ñucaman cunguichijlla.

LEVÍTICO 12:4

Ashtahuanpish mamaca mapa illajlla tucungapaj maillarinataca, quimsa chunga quimsa punllacunatami ruranga. Mapa illajlla tucuna punllacuna pajtangacamaca Diospajlla ch'icanchishcacunapipish ama tuparichun, Diospaj carpa huasimanpish ama shamuchun.

LEVÍTICO 15:3

Chai quiya shina yacu cachariricujca cashna cashpami mapa canga: Paipaj charishca aichamanta quiya shina yacu cachariricuj cashpa, mana cashpaca quiya shina yacu cachariricushca ña pararishca cashpapish paica mapami canga.

Lucas 1:59

Ña pusaj punlla tucujpica, huahuata circuncisionta rurachinamanmi apashpami, huahuataca yayapaj shuti Zacariasta shutichishun nircacuna.

Lucas 2:21

Ña pusaj punlla tucujpica huahuata circuncisionta rurachinamanmi aparcacuna. Chai punllallatajmi María manaraj chichu cajpi ángel huillashca shinallataj JESÚS shutita shutichircacuna.

Hechos 15:1

Chai punllacunallatajmi Judeamanta maijan shamujcunaca Jesusta caticujcunataca: “Moisés mandashca shina circuncisionta mana rurachishpaca, mana quishpiri tucunguichijchu” nishpa yachachircacuna.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Gálatas 3:17

Chaimi caita nini: Cristopi Dios ñaupaman allichishpa ari nishcataca, Mandashcaca mana chingachircachu. Mandashcaca 430 huatacuna q'uipami shamurca. Chaica Dios cusha nishcataca, mana yangata rurarcachu.

Gálatas 5:3

Maijanpish circuncisionta rurachijmanca, tucuicunamanmi cutin huillani. Paica tucui Mandashcatami pajtachinataj tucun.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.

Filipenses 3:5

Ñucaca huacharishcamanta pusaj punllapi circuncisionta rurachishcami cani. Israelpuramanta Benjaminpaj aillupurami cani. Hebreo yaya mamapaj huahua cashcamanta hebreotajmi cani. Mandashcata pajtachij fariseotajmi carcani.

Colosenses 2:11

Cancunaca paipimi circuncisionta rurashcacuna canguichij. Chai circuncisionca mana runacunapaj maquihuan rurashcachu. Ashtahuanpish Cristollatajmi circuncisionta rurarca. Chaimantami cancunapaj juchata ruranamantaca anchuchishcacuna canguichij.