LEVÍTICO 12:2 - Dios Rimashca Shimicunami

² “Israelcunataca cashna nishpa mandai: Maijan huarmi c'ari huahuata huachashpaca, quillanta shamuna yahuar shamujpi shinallatajmi canchis punllacama mapa canga.

LEVÍTICO 12:2 Iomraidhean Croise

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 3:16

Huarmitapish cashnami nirca: –Chichu cajpipish jatun nanaihuan canatami mirachini. Huachanatapish yallitaj nanaihuanmi huachangui. Chashna cashpapish canca cusahuan canatatajmi munangui. Paimi cantaca mandanga– nircami.

2 SAMUEL 11:4

Davidca huillashpa purijcunata chai huarmita pushanaman cachajpimi paicuna pushamujpi Davidca, chai huarmihuan chayarinacurca. Chai q'uipaca chai huarmica paipaj huasiman rircallami. Paica quilla ungüi pararishca q'uipa mapa illajlla cangapaj maillarishcami carca.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 15:14

¿Runaca mapa illaj cangapajca imatagari? Huarmimanta huacharishca runa, ¿ima shinataj cashcata ruraj ricuringari?

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

LEVÍTICO 12:1

Mandaj Diosca Moisesta mandashpaca:

LEVÍTICO 12:5

Huarmi huahuata huachashpaca, quillanta shamuna yahuar shamucujpi shinallatajmi ishqui semanacama mapa canga. Huachajpi yahuar shamucushcamantaca, mapa illajlla tucungapaj maillarinataca sujta chunga sujta punllacunacama rurachun.

LEVÍTICO 15:19

Quillapi uriyana yahuar maijan huarmipi uriyacujpica, chai huarmica canchis punllacamami pailla canga. Maijanpish chai huarmipi tuparijca, tutayangacama mapami saquiringa.

LEVÍTICO 18:19

Quillanta shamuna yahuar shamucujpi mapalla huarmita llatanashpa ricunapaj ama paipajman c'uchuyanguichu.

LEVÍTICO 5:3

Maijanpish imamanta mapayashcapi tuparijca mapayangami. Mapayashca runapi tuparijpish mapami tucun. Tuparishcata mana yachashca cashpapish, q'uipata yachaj chayashpaca juchayujmi canga.

Lucas 2:22

Huachashca q'uipa maillarina punllacunata pajtachishpaca, Jatun Diospaj ñaupajpi alli ricuringapajca Moisés Mandashca shinallatajmi rurarcacuna. Chai q'uipami, huahua Jesustaca Jatun Diospaj ñaupajman paiman cungapaj Jerusalenman apamurcacuna.