LEVÍTICO 11:8 - Dios Rimashca Shimicunami

⁸ Chashna animalcunapaj aichataca amataj micunguichijchu. Huañushcapipish amataj tuparinguichijchu. Chaicunataca mapa cashcata yuyanguichij.

LEVÍTICO 11:8 Iomraidhean Croise

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

OSEAS 9:3

Mandaj Diospaj llajtapica mana saquiringacunachu. Ashtahuanpish Efrainca Egiptoman, Asiriamanmi tigranga. Chaipica mapa micunatami micunga.

LEVÍTICO 11:7

C'uchica pallca sillucunayuj cashpapish, mana tigrachishpa cashtunchu. Chaimanta mapa animal cashcata yuyanguichij.

LEVÍTICO 11:9

Yacupi causaj tucui animalcunamantaca caicunata micunguichij: Mama cuchapi cajta cashpapish, jatun yacupi cajta cashpapish alasyuj, escamayuj cajcunallatami micui tucunguichij.

LEVÍTICO 5:2

Imapish mapacunapi tuparijca charina animal huañushcapi cashpa, mana charina animal huañushcapi cashpa, huijsahuan llucashpa purij animal huañushcapi cashpa tuparijca, tuparishcata mana yachashca cashpapish mapa tucushcamanta juchallishcami tucunga.

Mateo 15:11

Shimita yaicujca, runataca mana juchayujta ruranchu. Ashtahuanpish shimiman llujshijmi, runataca juchayujta ruran– nircami.

Mateo 15:20

Tucui caicunami runataca juchayujta ruran. Ashtahuanpish maquita mana maillashpa micushcallamantaca, runaca mana juchayuj tucunchu– nircami.

Marcos 7:15

Shimita yaicujca, runataca mana juchayujta ruranchu. Ashtahuanpish shungumanta shimiman llujshijmi runataca juchayujta ruran.

Marcos 7:18

Chaimi Jesusca: –¿Cancunapishchu paicuna shinallataj mana entendi tucunguichij? Shimita imapish yaicujca, pita mana mapayachij cashcataca ¿manachu entendinguichij?

Marcos 7:2

Jesuspaj maijan yachacujcuna mapa maquihuan tandata micucujta ricushpaca, cai maquita mana maillashpa micujcunaca mana allichu nishpa rimarcacuna.

Hechos 10:28

Chaimi Pedroca paicunataca: –Judiocunaca, mana judiocunahuanca mapayanamanta mana tandanacuna, mana c'uchuyanallapish cashcataca cancunallataj yachanguichijmi. Ñucanchijca cancunataca yanga runacunalla cashcata yuyashpa causacujpimi Taita Diosca: “Canca pitapish millananmi, mapami nishpaca ama ningui” nishpa ricuchishpa huillarca.

Hechos 15:29

Rurashcalla dioscunaman cushcata ama micunguichij, yahuartapish, sipishpalla huañuchishca aichatapish ama micunguichij, ama huainayanguichij. Caicunata cazushpaca, allitamari ruranguichij. Allilla cashca canguichij” nishpami quillcarcacuna.

Romanos 14:21

Aichata micushpapish, vinota ubyashpapish, cambaj huauquita p'iñachina, irquiyachina, ñitcachina cajpica, chaicunata mana ruranami ashtahuan alli.

1 Corintios 8:8

Micunaca, mana ashtahuan Diosman c'uchuyachinchu. Micushpapish mana ashtahuan alli cashunchu, mana micushpapish mana huashayashunchu.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

Efesios 5:11

Amsapaj yanga ruraicunapica, ama tandanacuichijchu. Chaipaj randica mana allita rurajcunataca shinchita rimaichij.

Efesios 5:7

Paicunapaj ruraicunapica amataj tandanacunguichij.

Colosenses 2:16

Chaimanta cancunataca ima micunamanta, ima ubyanamanta, fiesta punllacunamanta, llullu luna punllacunamanta, samana punllacunamantapish pi ama imata nishpa juchachichun.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.