LEVÍTICO 11:44 - Dios Rimashca Shimicunami

⁴⁴ Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 11:44 Iomraidhean Croise

SALMOS 99:5

Mandaj ñucanchij Taita Diosta jatunyachichij. Paipaj chaqui ñaupajpi cungurichij. Paica jucha illajmi.

SALMOS 99:9

Mandaj ñucanchij Taita Diosta jatunyachichij. Paipajlla urcu chaquipi cungurichij. Mandaj Dios, ñucanchij Taita Diosca ima jucha illajmari.

ÉXODO 16:12

–Israelcuna ñucata juchachishpa rimacujtami uyani. Cunanca paicunamanca: Chishicunaca aichatami micunguichij. Tutamantacunaca mana nijtami cancunaca tandata micunguichij. Chaimi cancunaca ñucataca, Mandaj Dios cancunapaj Dios cashcata yachanguichij ninmi ni– nircami.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

ÉXODO 19:6

Cancunaca ñuca mandana llajtapi causana curacunapish, jucha illaj runacunapishmi canguichij ninmi nishpa, cai tucui shimicunata israelcunaman huillangui– nircami.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 22:30

Cancunapaj huagracuna, cancunapaj ovejacuna punta huachashca c'ari animalcunataca chashnallataj ruranguichij. Paicunaca canchis punllacunallata mamahuan cachun. Pusaj punllapica ñucaman cunguichijlla.

ÉXODO 22:31

Cancunaca ñucapajlla ch'icanchishcacunami canguichij. Cancunaca michina pambapi sacha animalcuna mirga mirgata rurashca aichataca ama micunguichijchu, chaitaca allcucunaman shitanguichij.

ÉXODO 23:25

Mandaj cancunapaj Diospajta ruranguichij. Paimi cambaj micunatapish, yacutapish alli cashca cachun ninga. Cancunamantaca ñucami tucui ima ungüicunatapish anchuchisha.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ISAÍAS 43:3

Mandaj Dios ñucami cambaj Taita Dios cani. Israelcunapaj jucha illaj Diosmi canta Quishpichij cani. Canta llujshichingapajca Egiptocunatami curcani. Cambaj randica Etiopiacunata, Sebacunatami curcani.

ISAÍAS 51:15

Mandaj Dios ñucami mama cuchatapish caiman chaiman cuyuchini. Chai yacuta jahuajta jatarichishpa huacachijpish ñucami cani. Ñuca shutica tucuita Mandaj Diosmi.

LEVÍTICO 10:3

Chai q'uipami Moisesca, Aarontaca: –Cashna tucunataca Mandaj Diosca ña nircallatajmi. Paica: Ñucapajman c'uchuyajcunapimi ñucaca ima jucha illaj cashcata ricuchisha. Ñucaca tucui israelcunapaj ñaupajpimi jatunyachishca casha nijpica Aaronca upajlla carcallami.

LEVÍTICO 11:43

Cancunaca llucashpa purij maijan animalcunahuan ama mapayaichijchu. Chaicunahuan ama mapayaichijchu. Chaicunamantapish ama mapayaichijchu.

LEVÍTICO 18:2

“Israelcunaman cashna huillai: Ñucaca Mandaj Dios, cancunapaj Diosmi cani.

LEVÍTICO 19:10

Uva chagrapi uvata pallashpapish ama mashcashpurishpa pallangui. Pambapi urmashcatapish ama pallangui. Chaicunataca huajchacunapish, caru llajtamanta shamushcacunapish ch'alachun saquingui. Ñucami Mandaj Dios cancunapaj Taita Dios cani.

LEVÍTICO 19:2

“Tandanacushca tucui israelcunamanca cashna nishpa huillai: Mandaj ñuca cancunapaj Diosca ima jucha illaj cashcamanta, cancunapish ima jucha illajlla caichij.

LEVÍTICO 19:3

Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

LEVÍTICO 19:4

Cancunaca rurashcalla dioscunata ñataj cutin yuyaricunguichijman. Cancunapaj dios cachun nishpapish ñataj imatapish yacuyachishpa dioscunata ruranguichijman. Ñucami Mandaj Dios cancunapaj Taita Dios cani.

LEVÍTICO 20:26

Mandaj Dios ñucaca ima jucha illaj cashcamanta, cancunapish ima jucha illajlla canguichij. Ñucami cancunataca ñucapaj cachun shujtaj llajtacunamanta ch'icanchimurcani.

LEVÍTICO 20:7

Ñucaca Mandaj Dios cancunapaj Taita Dios cashcamanta, cancunaca ñucapajlla tucushpa ima jucha illajlla caichij.

LEVÍTICO 21:8

Ñucaman tandata cujcuna cashcamanta paicunataca jucha illaj cana cashcatami yuyana cangui. Cancunataca ñucami jucha illajta rurarcani. Cancunata Mandaj Diosca jucha illajmi cani. Cancunata jucha illajta rurajca jucha illajmi cani. Chaimanta paicunapish cambajca ima jucha illajcunami cana can.

AMÓS 3:3

Pipish manapish shuj yuyailla cashpaca, ¿ishqui tandalla purinmanchu imashi?

NÚMEROS 15:40

Chashnami tucui ñuca mandashcacunataca yuyarishpa chaitataj pajtachinguichij. Cancunapaj Diospaj ñaupajpica ima jucha illajllami canguichij.

Mateo 5:48

Cancunapaj jahua pacha Yaya, cashcata ruraj caj shinallataj cancunapish cashcata rurajcuna caichij.

DEUTERONOMIO 14:2

Cancunaca Mandaj Dios cancunapaj Taita Diospaj jucha illajcunami canguichij. Paica tucui cai pachapi causajcunamantaca cancunalla Mandaj Diospajlla agllashcacuna cachunmi cancunataca agllarca.

1 Tesalonicenses 4:7

Taita Diosca ñucanchijtaca, mapallapitaj causachunca mana cayarcachu, ashtahuanpish jucha illaj causachunmi cayarca.

JOSUÉ 24:19

Chaimi Josueca: –Mandaj Diospajtaca cancunaca mana rurai tucunguichijchu. Paica jucha illaj Diosmi. Paipajlla causachun munajmi. Cancuna paita mana cazujpica, chai juchacunamantaca manataj saquingachu.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 22:11

Cashcata mana rurajca, chashnallataj ruracuchunlla, mapata rurajca ashtahuan mapata ruracuchunlla. Cashcata rurajpish ashtahuan cashcata ruracuchunlla, jucha illajlla cajpish ashtahuan jucha illajlla tucucuchunlla.

1 SAMUEL 2:2

Mandaj Dios shina jucha illajca, mana tiyanchu. Can Dios shinaca pi shujtaj mana tiyanchu. Ñucanchij Dios shina huaquichijca pi mana tiyanchu.

1 SAMUEL 6:20

Chaimi Bet-semespi causajcunaca: “¿Pitaj jucha illaj Mandaj Diospaj ñaupajpica cai tucungari? ¿Caimantaca ñucanchijca pipajmantaj cachashun?” nircacuna.