LEVÍTICO 11:25 - Dios Rimashca Shimicunami

²⁵ Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 11:25 Iomraidhean Croise

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

ÉXODO 19:14

Moisesca israelcunapajman urcumanta uriyamushpaca, paicunatami chuyayachirca. Paicunaca paicunapaj churanacunatami tajsharca.

LEVÍTICO 11:24

Cai shinacunapi tuparishpaca mapayashcami saquiringuichij: Maijanpish chai shina animalcuna huañushcapi tuparijca tutayangacama mapayashcami saquiringa.

LEVÍTICO 11:26

Ima animal cashpapish mana pallca silluyuj, mana tigrachishpa cashtuj cajpica, mapa animal cashcata yuyanguichij. Maijanpish chai shina animalpi tuparijca, mapami saquiringa.

LEVÍTICO 11:28

Huañushca animalta japirijca, paipaj churanacunata tajshachun. Paica tutayangacamami mapa saquiringa. Chaicunataca mapa cashcatami yuyana canguichij.

LEVÍTICO 11:40

Huañushca animalpaj aichata micujca paipaj churanacunata tajshachun. Paica tutayangacamami mapa saquiringa. Huañushca animalta llujshichijpish, paipaj churanacunata tajshachun. Paipish tutayangacama mapami saquiringa.

LEVÍTICO 13:6

Ña canchis punllacuna tucujpica, curallatajmi cutin alli ricunga. Chai caracha yanayashpa aichapi mana ashtahuan mirarishca cajpica, curami mapa illaj cashcata huillanga. Shujtaj sisucunalla cashcamantaca, chai ungushca runaca paipaj churanacunata tajshashpa, ima mapa illajllami saquiringa.

LEVÍTICO 14:46

Chai huasita cura huichcachishca punllacunapi, maijanpish chai huasiman yaicujca tutayangacama mapami canga.

LEVÍTICO 14:47

Shinallataj maijanpish chai huasipi dormishca cashpa, mana cashpaca chai huasipi micushca cashpaca, paipaj churanacunata tajshachun.

LEVÍTICO 14:8

Lepra ungüimanta alliyashpa ima mapa illajlla tucujca, paipaj churanata tajshashpa, uma ajchatapish tucuita rutushpa yacuhuan armashpa ima mapa illajlla saquirichun. Chai q'uipaca carpa huasicuna tiyanman yaicushpapish, paipaj carpa huasi ucumanca ama yaicushpa canchis punllacunata canllallaman saquirichun.

LEVÍTICO 15:13

Quiya shina yacu cachariricuj runa alliyashpaca, chai alliyashca punllamanta canchis punllata yupashpa paipaj churanacunata tajshashpa, paipaj cuerpotapish callpacuj yacuhuan armashpa ima mapa illaj saquirichun.

LEVÍTICO 15:15

Chaicunataca curami shujtaca juchamanta cuna cashcata, caishujtaca tucuita cushpa tucui rupachinata Mandaj Diosman cunga. Chashnami curaca quiya shina yacu cachariricuj runataca Mandaj Diospaj ñaupajpi ima mapa illajta ruranga.

LEVÍTICO 15:5

Maijanpish chai runapaj camapi tuparijca paipaj churanata tajshachun, paillatajpish yacuhuan armachun. Tutayangacama mapami saquiringa.

LEVÍTICO 16:26

Azazelpaj cachun chivota shitashca pambaman apajca paipaj churanata tajshashpa, paipish yacuhuan armashpa chai q'uipa carpa huasicuna tiyanman yaicugrichun.

LEVÍTICO 16:28

Chaicunata rupachijca paipaj churanacunata tajshashpa, paipish yacuhuan armachun. Chai q'uipaca paicuna causacushca carpa huasicunaman tigrachunlla.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

LEVÍTICO 22:6

chaicunapi tuparishcamantaca tutayangacama mapami saquiringa. Paipaj cuerpota yacuhuan manaraj armashpaca, Diospajlla ch'icanchishcacunataca ama micuchun.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

NÚMEROS 19:10

Vacata rupachishca ushpata pallajpish paipaj churanacunata tajshachun. Paica tutayangacama maparajmi canga. Cai mandashcaca israelcuna cashpapish, paicunahuan causacuj mana israelcuna cashpapish chashnataj pajtachicuchunlla mandashcami.

NÚMEROS 19:19

Mapa illajlla runaca mapayashca runataca mapayashcamanta quimsa punlla tucujpipish, canchis punlla tucujpipish mapa illajllata rurana yacuhuan tsirapachun. Mapayashca runaca canchis punllapi ña mapa illajlla tucushpaca paipaj churanacunatapish tajshachun, paipaj cuerpotapish armachun. Paica tutayaitami mapa illajlla canga.

NÚMEROS 19:7

Chai q'uipaca cura, paipaj churanacunata tajshashpa paipish armashpa, pai causacushca carpa huasiman tigrachun. Chashna cashpapish paica tutayangacama mapami canga.

NÚMEROS 19:8

Shinallataj vacata rupachijpish, paipaj churanacunata tajshashpa paipish armachun. Paipish tutayangacama mapami canga.

NÚMEROS 31:24

Canchis punlla tucujpica, cancunapaj churanacunata tajshashpa mapa illajlla tucuichij. Chai q'uipaca carpa huasicunaman yaicunguichijlla– nircami.

Juan 13:8

Pedroca: –Ñuca chaquicunatatajca manataj maillanguichu– nijpimi Jesusca: –Cambaj chaquicunata ñuca mana maillajpica, ñucapajta rurajca mana cai tucunguichu– nirca.

Hechos 22:16

Chaimanta cunanca imata ama shuyashpa jatarishpa bautizari. Jesuspaj shutipi rogashpa cambaj juchacunata maillachi” nircami.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

1 Pedro 3:21

Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.