LEVÍTICO 11:24 - Dios Rimashca Shimicunami

²⁴ Cai shinacunapi tuparishpaca mapayashcami saquiringuichij: Maijanpish chai shina animalcuna huañushcapi tuparijca tutayangacama mapayashcami saquiringa.

LEVÍTICO 11:24 Iomraidhean Croise

ISAÍAS 22:14

Tucuita Mandaj Jatun Dios ricurishpami ñuca rinrinpi cashna nirca: “Chai juchamantaca paicuna huañungacama manataj perdonashachu” ninmi tucuita Mandaj Jatun Diosca.

LEVÍTICO 11:23

Cai shina caj shujtaj chuspicunataca alasyuj chuscu chaquicunahuan pambata purij cashpaca, cancunapajca millananami canga.

LEVÍTICO 11:25

Maijanpish chai animalcuna huañushcapi japirijca, paipaj churanacunata tajshachun. Shina cashpapish paica tutayangacama mapami saquiringa.

LEVÍTICO 11:31

Huijsahuan llucashpa purij animalcunataca, tucui chai animalcunatami mapa cashcata yuyana canguichij. Maijanpish chai animalcuna huañushcapi tuparijcunaca, tutayangacama mapami saquiringa.

LEVÍTICO 11:8

Chashna animalcunapaj aichataca amataj micunguichijchu. Huañushcapipish amataj tuparinguichijchu. Chaicunataca mapa cashcata yuyanguichij.

LEVÍTICO 14:46

Chai huasita cura huichcachishca punllacunapi, maijanpish chai huasiman yaicujca tutayangacama mapami canga.

LEVÍTICO 15:10

Quiya shina yacu cachariricuj runa imapi tiyarishcacunapi maijanpish tuparijca, tutayangacama mapami saquiringa. Shinallataj chai runa tiyarishcacunata maijanpish apajca paipaj churanacunata tajshachun, paipish yacuhuan armachun. Chai q'uipaca tutayangacama mapami saquiringa.

LEVÍTICO 15:11

Quiya shina yacu cachariricuj runa paipaj maquita manaraj maillashpa maijanpi tuparijpica, paipaj churanacunata tajshachun, paillatajpish yacuhuan armachun. Paica tutayangacama mapami saquiringa.

LEVÍTICO 15:15

Chaicunataca curami shujtaca juchamanta cuna cashcata, caishujtaca tucuita cushpa tucui rupachinata Mandaj Diosman cunga. Chashnami curaca quiya shina yacu cachariricuj runataca Mandaj Diospaj ñaupajpi ima mapa illajta ruranga.

LEVÍTICO 15:21

Yahuar uriyacuj huarmipaj camapi maijanpish tuparijca, paipaj churanata tajshachun, paipish yacuhuan armachun. Chai q'uipapish tutayangacama mapami saquiringa.

LEVÍTICO 15:22

Shinallataj chai huarmi ima tiyarinapi cashpapish tiyarishcapi maijanpish tuparijca paipaj churanata tajshachun, paillatajpish yacuhuan armachun. Paica tutayangacama mapami saquiringa.

LEVÍTICO 15:23

Yahuar uriyacuj huarmipaj cama jahuapi cashpa, pai tiyarishca tiyana jahuapi cashpa ima siricunpi maijanpish tuparijca tutayangacama mapami saquiringa.

LEVÍTICO 15:27

Chaicunapi maijanpish tuparijca mapami canga. Chaimanta paipaj churanatapish tajshachun, paipish yacuhuan armachun. Paica tutayangacama mapami saquiringa.

LEVÍTICO 15:5

Maijanpish chai runapaj camapi tuparijca paipaj churanata tajshachun, paillatajpish yacuhuan armachun. Tutayangacama mapami saquiringa.

LEVÍTICO 15:6

Maijanpish quiya shina yacu cachariricuj runa tiyarishcapi tiyarishca cashpaca paipaj churanacunata tajshachun, paillatajpish yacuhuan armachun. Paica tutayangacama mapami saquiringa.

LEVÍTICO 15:7

Maijanpish quiya shina yacu cachariricujpaj cuerpopi tuparishpaca, paipaj churanacunata tajshachun, paillatajpish yacuhuan armachun. Paica tutayangacama mapami saquiringa.

LEVÍTICO 15:8

Quiya shina yacu cachariricuj runa, shujtaj limpio runapi ch'ucajpica, chaica paipaj churanacunata tajshachun, paipish yacuhuan armachun. Chai q'uipaca tutayangacama mapami saquiringa.

LEVÍTICO 16:26

Azazelpaj cachun chivota shitashca pambaman apajca paipaj churanata tajshashpa, paipish yacuhuan armashpa chai q'uipa carpa huasicuna tiyanman yaicugrichun.

LEVÍTICO 16:28

Chaicunata rupachijca paipaj churanacunata tajshashpa, paipish yacuhuan armachun. Chai q'uipaca paicuna causacushca carpa huasicunaman tigrachunlla.

LEVÍTICO 22:4

Aaronpaj huahua huahuacunamanta maijanpish lepra ungüihuan cashpa, mana cashpaca quiya shina yacu cachariricuj cashpaca, ima mapa illajlla tucungacama Diospajlla ch'icanchishcacunataca ama micuchun. Maijanpish ima huañushcapi tuparishca cashpa, mana cashpaca yuraj yacu cachariricuj cashpa,

LEVÍTICO 22:5

mana cashpaca huijsahuan llucashpa purij ima animalpi tuparishcamanta mapayashca cashpa, imapi tuparishpa mapayashca runapi tuparishpa mapayashca cashpaca,

LEVÍTICO 22:6

chaicunapi tuparishcamantaca tutayangacama mapami saquiringa. Paipaj cuerpota yacuhuan manaraj armashpaca, Diospajlla ch'icanchishcacunataca ama micuchun.

LEVÍTICO 5:2

Imapish mapacunapi tuparijca charina animal huañushcapi cashpa, mana charina animal huañushcapi cashpa, huijsahuan llucashpa purij animal huañushcapi cashpa tuparijca, tuparishcata mana yachashca cashpapish mapa tucushcamanta juchallishcami tucunga.

LEVÍTICO 7:21

“Sumaj causaimanta Mandaj Diosman rupachishpa cushca aichaca Mandaj Diospajlla ch'icanchishcami. Mapayashca runapi cashpa, mapa animalpi cashpa, imapish millanana mapapi tuparishca cashpa, chai aichata micujpish israelcunapuramanta anchuchishcatajmi canga” nircami.

NÚMEROS 19:7

Chai q'uipaca cura, paipaj churanacunata tajshashpa paipish armashpa, pai causacushca carpa huasiman tigrachun. Chashna cashpapish paica tutayangacama mapami canga.

1 Corintios 15:33

Ama umarichijchu. “Mana alli parlocunaca, alli causaitami llaquichin”.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

Efesios 5:11

Amsapaj yanga ruraicunapica, ama tandanacuichijchu. Chaipaj randica mana allita rurajcunataca shinchita rimaichij.

Colosenses 2:20

Cai pacha millai ruraicunata ama rurangapajca Cristohuan huañushcami canguichij. Chashna cashca jahuaca ¿ima nishpataj cai pachapaj cajcuna shinallataj chai mandashcacunata cazunguichij?

Hebreos 9:26

Cutin cutin llaquita apacunalla cashca cajpica, Cristoca cai pacha callarimantami llaquita apacunmanlla carca. Ashtahuanpish Dios cusha nishca punlla pajtajpimi, jucha chaupimanta anchuchingapaj shuj cutinlla huiñaipaj paillataj curishpa huañurca.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.