LEVÍTICO 11:13 - Dios Rimashca Shimicunami

¹³ Alasyuj animalcunapuramantaca cai animalcunatami millanana animalcuna cashcata yuyashpa millanana cashcamanta mana micuna canguichij. Chai animalcunaca caicunami: Aguila, quebrantahuesos, azor,

LEVÍTICO 11:13 Iomraidhean Croise

JOB 28:7

Chai ucucunataca, pajaropish mana rijsinchu. Condorcunapish mana ricunchu.

JOB 38:41

Cuervocuna caita chaita micunata mashcashpa puricujpipish, paicunapaj huahuacuna yaricaihuan cashpa Taita Diosta caparijpipish ¿pitaj paicunaman caran?

JEREMÍAS 4:13

P'iñaj runacunaca, acapana shina callpaj carretacunapimi, p'uyu amsayashpa shamuj shina chayamungacuna. Paicunapaj caballocunapish, aguilata yalli callpajcunami. ¡Aij ñucanchijlla, imachari tucushun! ¡Ñucanchijtaca tucuchichunmari chai runacunapaj maquipi churashca!

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 48:40

Mandaj Diosca cashnamari nin: “Alasta chutashpa águila shamuj shinami, Moab llajtataca llaquichinaman shamunga.

LAMENTACIONES 4:19

Ñucanchijta japingapaj catijcunaca, huairata purij aguilacunatapish yalli utca callpajcunami carca. Urcucunata catishpami japircacuna, shitashca pambapipish muyundijta jarcashpami japircacuna.

OSEAS 8:1

Ñucahuan ari ninacushcata p'aquishcamanta, ñuca mandashcacunata mana cazushpa c'ariyashcamantami Mandaj Diospaj huasi jahuamanca shuj águila shamucun. Chaitaca trompetapi tocashpa huillayari.

LEVÍTICO 11:11

Chai animalcunaca cancunapajca millananami canga. Chai animalpaj aichataca ama micunguichijchu. Chai animalcuna huañushca aichataca millanguichij.

LEVÍTICO 11:12

Yacupi causaj animalcunataca mana alasyuj, mana escamayujcunataca tucuita millanana cashcata yuyanguichij.

LEVÍTICO 11:14

gallinazo, milano, chai shina angacunataca ama micunguichijchu.

HABACUC 1:8

Paicunapaj caballocunaca leopardotapish yalli callpajcunami cangacuna. Tuta purij atujcunatapish yalli p'iñacunami cangacuna. Macanacujcunapish chai caru llajtamantaca caballocunapimi tiyarishpa yallitaj achcacuna shamungacuna. Paicunaca, aguilacuna huañuchinaman callpacuj shinami callpamungacuna.

ZACARÍAS 5:9

Cutin huichilla ricujpica, ishqui huarmicunami ricurirca. Chai huarmicunaca cigüeñapaj alascunatajllatami charirca. Paicunaca chai alascunapimi huairata apamurcacuna. Chai alasyuj huarmicunaca efata apashpami, jahua huairata callparcacuna.

Mateo 24:28

Maipimi huañushcacuna siricun, chaipimi ullahuangacunaca tandanacungacuna– nircami

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.