LEVÍTICO 10:9 - Dios Rimashca Shimicunami

⁹ “Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

LEVÍTICO 10:9 Iomraidhean Croise

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

PROVERBIOS 20:1

Vinopish, sidrapish mana cazushpa asijta, caparirishpa rimarijta ruranllami. Panda yuyaita japishpa chashna machashpalla purijca, yachaisapa cashcataca mana ricuchinchu.

ISAÍAS 28:7

Ashtahuanpish paicunapish vinota ubyashpami musparircacuna. Sidrata ubyashpami yuyai illaj tucurcacuna. Curapish, profetapish sidrata ubyashpami pandarircacuna. Vinota ubyashpami musparircacuna. Sidrata ubyashpami yuyaita chingachircacuna. Machashpa musparishpallami muscuipimi ricunchij nishpa huillarcacuna. Mandanapipish pandami mandarcacuna.

EZEQUIEL 44:21

Curacunaca ñuca huasiman yaicuna, huasi canllaman yaicungapajca vinota ama ubyachuncuna.

OSEAS 4:11

Huainayana, vinota ubyana, llullu vinota ubyana yuyaimi alli yuyaitaca anchuchin.

LEVÍTICO 10:8

Chaimi Mandaj Diosca Aarontaca cashna nishpa mandarca:

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

NÚMEROS 6:20

Chaicunataca Mandaj Diospaj ñaupajpi huichi ricuchishpa cuyuchishpa Diosman cura cuchun. Tucui chaicunaca Diospajlla ch'icanchishca cashcamanta curapaj saquirichun. Mandaj Diospaj ñaupajpi huichi ricuchishpa cushca pecho aichapish, changa aichapish curapajllataj saquirichun. Chai q'uipaca nazareoca vinota ubyachunlla.

NÚMEROS 6:3

vinota, sidrata ama ubyachun. Vinomanta rurashca vinagretapish, sidramanta rurashca vinagretapish, uvata capishcatapish ama ubyachun. Cunanlla pallashca uvatapish, chaquichishca uvatapish ama micuchun.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

1 Timoteo 3:3

mana machaj, macanacuita mana munaj, cullquita munashcamanta ima mana allita mana ruraj, ashtahuanpish c'uyaj, mana p'iñarij, mana mitsa,

1 Timoteo 3:8

Diaconocunapish cashnami cana. Alli nishcacuna, imatapish pajtachijcuna, mana machajcuna, cullquita munashcamanta ima mana allita mana rurajcuna,

1 Timoteo 5:23

Canca huijsa nanaihuan ungushcalla cashcamanta, yacullataca ama ubyangui, ashtahuanpish asha vinotapish ubyangui.

Tito 1:7

Obispoca Dios mingashcata alli cuidashpa apajmi. Chaimanta pi mana juchachipaj, mana huahuayarij, mana p'iñarij, mana machaj, p'iñanacunata mana munaj, cullquita munashcamanta ima mana allita mana ruraj,