LEVÍTICO 10:4 - Dios Rimashca Shimicunami

⁴ Chaipimi Moisesca Misael, Elzafán runacunata cayashpaca: –C'uchuyamushpa Diospajlla huasi ucumanta cancunapaj huauquicunata llujshichishpa, carpa huasicunamanta canllaman llujshichichij– nirca. Chaicunaca Aaronpaj tío Uzielpaj churicunami carca.

LEVÍTICO 10:4 Iomraidhean Croise

1 CRÓNICAS 6:2

Coatpaj churicunaca: Amram, Izhar, Hebrón, Uziel shuticunami carca.

ÉXODO 33:7

Moisesca Diospaj carpa huasita apashpami, israelcunapaj carpa huasicunamanta caruman shayachishpa, chaitaca Dioshuan tupanacuna nishpa shutichirca. Mandaj Diosta maijanpish mashcajca Dioshuan tupanacuna carpa huasimanmi, israelcunapaj carpa huasicunamanta llujshishpa rijcuna carca.

ÉXODO 6:18

Coatpaj churicunaca: Amram, Izhar, Hebrón, Uziel shuticunami carca. Coatca 133 huatacunatami causarca.

ÉXODO 6:22

Uzielpaj churicunaca: Misael, Elzafán, Sitri shuticunami carca.

NÚMEROS 3:19

Coatpaj churicunamanta mirarishcacunaca: Amramitacuna, izharitacuna, hebronitacuna, uzielitacunami carca.

NÚMEROS 3:30

Coatpaj huahua huahuacunata pushajca Uzielpaj churi Elizafanmi carca.

Lucas 7:12

Puebloman yaicuna punguman chayagricujpica, viuda mamapaj shujlla churi huañushcatami pambanaman apacurcacuna. Pueblomanta achcacunami paihuanca ricurcacuna.

Hechos 5:6

Chaipi caj q'uipa huiñaicunami Ananiastaca pilluchishpa pambagrircacuna.

Hechos 8:2

Taita Diosta yuyarij runacunami Estebanta apashpa pambarcacuna. Pai huañushcamantaca achcatami huacarcacuna.