LEVÍTICO 10:3 - Dios Rimashca Shimicunami

³ Chai q'uipami Moisesca, Aarontaca: –Cashna tucunataca Mandaj Diosca ña nircallatajmi. Paica: Ñucapajman c'uchuyajcunapimi ñucaca ima jucha illaj cashcata ricuchisha. Ñucaca tucui israelcunapaj ñaupajpimi jatunyachishca casha nijpica Aaronca upajlla carcallami.

LEVÍTICO 10:3 Iomraidhean Croise

GÉNESIS 18:25

Cashcata rurajcunata Diosta mana rijsijcunahuan llaquichinaca canpica mana tiyanchu. Nunca mana chashna ruranguichu. Canca tucui cai pachapaj Juez cashcamanta imatapish cashcatatajmi rurangui– nircami.

JOB 2:10

Chashna nijpimi Jobca: –Canca chai upa muspa huarmicuna shinamari rimangui. Dios cushca allicunataca chasquircanchijmi. ¿Maitataj llaquicunatapish mana chasquishunri?– nircami. Chai tucui llaquicunata apacushpapish, Job runaca mana ima millaita rimashpa juchata rurarcachu.

SALMOS 119:120

Ñuca aichaca quiquinta manchashcamanta chujchucunmari. Quiquin mandashcacunataca manchacunimari.

SALMOS 148:14

Paimi paipaj cajcuna mandanataca jatunyachishca. Tucui jucha illajcuna, tucui israelcuna alabaichigari. Paipaj c'uchupi cajcuna alabaichigari. ¡Mandaj Diosta alabaichigari!

SALMOS 39:10

Quiquin llaquichicushcataca ñucamanta anchuchihuayari. Quiquinpaj maquihuan huajtashcamantaca tucuricunimari.

SALMOS 39:9

Quiquinllataj rurasha nishcamanta ruracujpica, imata mana rimashpa, mana rimaj runa shina upajlla saquirircanillami.

SALMOS 46:10

“Ña casijlla tucuichij, ñucataca Taita Dios cashcata rijsichij. Tucui llajtacuna alabashcami casha. Cai pachapi causajcuna jatunyachishcami casha”

SALMOS 89:7

Jucha illajcuna achca tandanacushcapica manchana Taita Diosmari cangui. Tucui cambaj muyundijpi tiyacujcuna chujchuna Taita Diosmari cangui.

SALMOS 93:5

Ima shina causanata quiquin yachachishcacunaca pi mana cuyuchipajmari. Quiquin jucha illaj cashcami quiquinpaj huasipica ricunanqui junda. Mandaj Diosca huiñaimanta huiñaicamami.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 19:22

Mandaj Diospajman c'uchuyanapaj caj curacunapish chuyayachun. Paicunatapish Mandaj Dios ama llaquichichun nishpa mandagri– nircami.

ÉXODO 19:24

Shina nijpipish, Mandaj Diosca: –Uriyashpa Aaronta pushashpa tigramugri. Ashtahuanpish curacuna, tucui israelcunaca: Mandaj Dios maipi cashcaman huichiyangapaj, maicamalla c'uchuyana cashcataca ama pasashpa huichiyachun. Paicunatapish Mandaj Dios ama llaquichichun ninmi nigri– nircami.

ÉXODO 30:30

Aarontapish, paipaj churicunatapish chai aceitehuan llihuishpa Mandaj Diospajta ruraj curacunami canguichij nishpa ch'icanchingui.

ISAÍAS 39:8

Chaimi Ezequiasca Isaiastaca: –Mandaj Dios canta ñucaman huillachishca shimicunaca allimi– nishpaca: –Ñuca causai punllacunallapipish sumaj causai ima manchai illaj canami tiyanga– nircami.

ISAÍAS 49:3

Ñucataca: “Israel, ñucapajta rurajmi cangui. Canpimi ñuca jatun cashcataca ricuchisha” nircami.

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

EZEQUIEL 20:41

Cancunataca shujtaj runacunapurapi, shujtaj llajtacunapi caipi chaipi causacujpi tandachishpaca, mishquijllata ashnacuj inciensota shinami chasquisha. Chashnami cancunamantaca shujtaj llajtacunapi causajcunapaj ñahuipica, ima juchachina illaj ricurisha.

EZEQUIEL 28:22

Cashna ningui: Mandaj Jatun Diosca cashnami nin: Sidón pueblolla, canhuanca ñucaca p'iñami cani. Ñucaca cambaj chaupipimi jatunyachishca casha. Jucha illaj cashpa canta llaquichijta ricushpami, ñucataca Mandaj Diostaj cashcata yachangacuna.

EZEQUIEL 38:16

Ñuca agllashca israelcunataca llaquichinaman huichiyashpami, paicuna causacun llajtataca p'uyu shina tapanguichij. Mandaj Gog runalla, shujtaj llajtacunapi causajcunapaj ñaupajpi, ima juchachina illajlla cangapajmi, ñuca agllashcacunataca llaquichichun ñucallataj cachasha ninmi.

EZEQUIEL 40:46

Janaj ladoman punguyuj huasica, altarpi Diosman cushpa rupachij curacunapajmi canga. Chai curacunaca, Sadocpaj churi curacunami canga. Chai levita curacunallami Mandaj Diosta servingacuna” nircami.

EZEQUIEL 42:13

Ñucataca cashnami nirca: “Diospaj huasi c'uchupi tiyaj corredor ñaupajpi caj janaj ladomanpish, ura ladomanpish rurashca huasicunaca curacunapajllami canga. Chai huasicunapimi, Mandaj Diosman imalla cuna cashcata cushcacunataca curacuna micungacuna. Chai huasi ucupimi, Diosman imalla cuna cashcata cushcacunatapish, juchamanta imallata cushcatapish, Diosman animalta cushpa huañuchishcatapish huaquichinga. Chai ucucunami Diospajlla canga.

LEVÍTICO 21:15

Chashna rurashpami paicunapura huahua huahuacunaca mana yanganchishca canga. Mandaj Dios ñucami cancunata jucha illajta ruraj cani” nircami.

LEVÍTICO 21:17

“Aarontaca cashna mandai: Cancunapaj Taita Diosman cuna cashca micunata cungapajca, cambaj huahua huahuamantaca cunanpish shamuj punllacunapish ima mana tucushcacunalla c'uchuyachun.

LEVÍTICO 21:21

Aarón curapaj huahua huahuacuna cashpapish ima tucushca cajcunaca, Mandaj Diosman rupachishpa cunamanca ama c'uchuyachun. Chashnacunaca ima tucushca cashcamanta Taita Diosman micunata cunamanca manataj c'uchuyangachu.

LEVÍTICO 21:6

Cancunaca Taita Diospajlla cachun ch'icanchishcacuna, Diospaj shutita mana yanganchinapaj cajcuna, Mandaj Diosman cushcacunata rupachijcuna, Mandaj Diosman tandata cujcunami canguichij. Chaimanta ima jucha illajllami cana canguichij.

LEVÍTICO 21:8

Ñucaman tandata cujcuna cashcamanta paicunataca jucha illaj cana cashcatami yuyana cangui. Cancunataca ñucami jucha illajta rurarcani. Cancunata Mandaj Diosca jucha illajmi cani. Cancunata jucha illajta rurajca jucha illajmi cani. Chaimanta paicunapish cambajca ima jucha illajcunami cana can.

LEVÍTICO 22:9

Ñuca mandashcacunata huaquichinguichij. Chai mandashcacunata, yanganchishpaca cancunallataj juchayuj tucushpami chaimantaca huañunguichij. Ñucami cancunata ima jucha illajta ruraj Mandaj Dios cani.

LEVÍTICO 8:35

Mandaj Dioshuan tupana carpa huasi pungupica canchis punllacunatami tutapish punllapish cana canguichij. Cancuna mana huañungapajca Mandaj Dios mandashcataca tucuitami Mandaj Diospaj ñaupajpi pajtachina canguichij. Mandaj Diosca chashnami ñucataca mandarca” nircami.

NÚMEROS 16:5

Coré runatapish, Coré runahuan tucushpa jatarijcunatapish cashnami nirca: –Mandaj Diosca maijanlla paipaj cashcata, maijanlla jucha illaj cashcataca cayami paipajman c'uchuyachishpa ricuchinga. Mandaj Dios agllashcacunallami paipajmanca c'uchuyangacuna.

NÚMEROS 20:12

Ashtahuanpish Mandaj Diosca Moisestapish, Aarontapish cashnami nirca: –Cancunaca ñucata mana crishpamari, ñuca tucuita rurai tucuj cashcataca israelcunapaj ñaupajpi mana ricuchinguichij. Chaimanta ñuca cushca llajtamanca cai israelcunahuanca mana yaicunguichijchu– nirca.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Juan 12:28

Ashtahuanpish cashna nisha: Yayitu, can tucuita rurai tucuj cashcata ricuchi– nijpica jahua pachamanta shuj rimashcami: “Ñami tucuita rurai tucuj cashcataca ricuchircani, ñuca tucuita rurai tucuj cashcataca cutinpish ricuchisharajmi” nishcami uyarirca.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

DEUTERONOMIO 32:51

Cancunaca ishquindijtajmi, Cades llajtapi cashpaca Zin nishca shitashca pambapi caj Meriba yacucuna c'uchupica ñucata p'iñachishpa tucui israelcunapaj ñaupajpi juchallircanguichij. Ñucataca jucha illaj Jatun Dios cashcata paicunaman mana ricuchircanguichijchu.

2 Tesalonicenses 1:10

Chashna llaquichinaman shamui punlla pai shamujpica, paita crij tucui paipaj cajcunaca jatunmi cangui nishpami mancharingacuna. Ñucanchij huillashcamantami cancunaca crircanguichij.

1 Pedro 4:17

Llaquichina punllaca, Diospaj familiapimari ña callarishca. Ñucanchijtaraj chashna llaquichi callarijpica, Diospaj alli huillaita mana chasquijcunacarin ¿imachari tucunga?

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.

1 SAMUEL 3:18

Samuelca imata mana pacashpa tucuita huillajpimi Elica: –Paica Mandaj Diosmi. Paipaj imamí alli chaita rurachun– nirca.

1 SAMUEL 6:20

Chaimi Bet-semespi causajcunaca: “¿Pitaj jucha illaj Mandaj Diospaj ñaupajpica cai tucungari? ¿Caimantaca ñucanchijca pipajmantaj cachashun?” nircacuna.