LEVÍTICO 10:2 - Dios Rimashca Shimicunami

² Chaimi Mandaj Diospaj ñaupajmanta nina llujshishpa, rupachijpi Mandaj Diospaj ñaupajpi huañurcacuna.

LEVÍTICO 10:2 Iomraidhean Croise

2 SAMUEL 6:7

Mandaj Diosca Uza runahuanca nina sindirij shina p'iñarirca. Mandaj Diospaj arcata tuparishcamantami Taita Diosca paitaca huañuchijpi, Diospaj arca c'uchullapitaj urmashpa huañurca.

1 REYES 13:28

Pai rishpaca huañushca cuerpotaca ñanpi siricujta, burropish leonpish chai huañushcapaj c'uchupi shayacujtami japirca. Leonca huañushcataca mana micushcachu carca. Burrotapish imata mana rurashcachu carca.

1 REYES 18:38

Chaipi Mandaj Diospaj nina shamushpaca Diosman cushpa tucui rupachina aichata, yantata, rumicunata, chai mirga ñutu allpatapishmi tucui chingarijta rupachirca. Altar muyundij yacutapish tucui chaquijtami rupachirca.

2 REYES 1:10

Shina nijpi Eliasca pichca chunga soldadocunata mandajtaca: –Diospaj runataj ñuca cajpica, jahua pachamanta nina shamushpa cantapish, cambaj pichca chunga soldadocunatapish tucui rupachichun– nijpica jahua pachamanta nina shamushpami soldadocunata mandajtapish, paipaj pichca chunga soldadocunatapish tucui rupachirca.

2 REYES 1:12

Shina nijpi Eliasca: –Diospaj runataj ñuca cajpica, jahua pachamanta nina shamushpa candij cambaj pichca chunga soldadocunandij tucui rupachichun– nijpica, jahua pachamanta nina shamushpami, chai mandaj soldadotapish, paipaj pichca chunga soldadocunandij tucui rupachirca.

1 CRÓNICAS 13:10

Chaimi Mandaj Diosca Uza runahuanca nina sindirij shina p'iñarirca. Mandaj Diospaj arcata tuparishcamantami Taita Diosca paitaca huañuchijpi, Diospaj ñaupajpi huañurca.

1 CRÓNICAS 15:13

Sarunca cancuna mana chashna rurashcamantami ñucanchijta Mandaj Diosca huañuchirca. Mana pai mandashca shina rurajpimi chashna rurarca” nircami.

1 CRÓNICAS 24:2

Nadabhuan, Abiuhuanca huahuacunata manaraj charishpami, paicunapaj yaya manaraj huañujpi huañurca. Chaimantami cura canataca Eleazarhuan, Itamarllahuan japircacuna.

JOB 1:16

Chai runa manaraj tucui huillajpimi, shujtaj runa chayamushpaca cashna nirca: –Taita Diospaj ninami jahua pachamanta urmashpa ovejacunatapish, michijcunatapish tucui rupachin. Chaita huillangapajca ñucallamari quishpirimuni– nishpami huillarca.

SALMOS 50:3

Ñucanchij Taita Diosca shamungami. Mana upajlla shamungachu. Ñaupajpica tucuchicuj ninahuan, muyundijtaca yallitaj jatun huairandij tamyahuanmi canga.

ÉXODO 24:1

Mandaj Diosca, Moisestaca: –Aarontapish, Nadabtapish, Abiutapish, israelcunata cunaj yuyajcunatapish canchis chungata pushashpa Mandaj Diospaj ñaupajman huichiyashpa carullapi cunguringuichij.

ISAÍAS 30:33

Asiria llajtata jatun mandajta llaquichingapajca, Tofet nishca hornoca sarunmantamari allichishca tiyacun. Chai hornoca yallitaj ucujta, anchomanpish anchomi, achca yantata churashcami yallitaj lunyacun. Mandaj Dios p'ucushpami yacuyashca yallitaj achca azufrehuan chai hornotaca japichinga.

LEVÍTICO 10:5

Shina nijpi paicuna c'uchuyamushpaca Moisés mandashca shinallataj paicunapaj churanacunallapitajmi carpa huasicunamanta canllaman llujshichircacuna.

LEVÍTICO 16:1

Aaronpaj ishqui churicunaca Mandaj Diospajman c'uchuyashcamantami huañurca. Chai q'uipami Mandaj Diosca Moisestaca cashna mandarca:

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

NÚMEROS 14:37

Chai llajtaca mana alli llajtachu cashca nishpa huillaj runacunaca, Mandaj Dios llaquita cachajpimi paipaj ñaupajpi huañurcacuna.

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

NÚMEROS 16:49

Chai huañuipi huañujcunaca, 14.700 gentecunami carca. Coré runahuan tucushpa jatarishpa Diosta c'ariyajpi huañuchishcacunata mana yupashcami chaica carca.

NÚMEROS 26:61

Nadabhuan, Abiuhuanca manapish rupachina ninahuan Mandaj Diosman cushpa rupachicushcamantami, Mandaj Diospaj ñaupajpi huañurca.

Hechos 5:10

Pedro cashna nincami chai huarmipish paipaj ñaupajpi urmashpa huañurca. Chai q'uipa huiñaicunallataj yaicushpaca, chai huarmitaca huañushcata japishpami cusapaj c'uchullapitaj pambarcacuna.

Hechos 5:5

Pedro chashna nijta uyashcahuan Ananiasca pambaman urmashpa huañurcallami. Chashna tucushcata uyajcunapish tucuicunami achcata mancharircacuna.

1 Corintios 10:11

Tucui caicunaca ñucanchij ricuchunmi chashna tucurca. Cai tucuri punllacunapi ñucanchij causacujcunata sinchita cunangapajmi, chashna quillcashca tiyacun.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.