LEVÍTICO 10:12 - Dios Rimashca Shimicunami

¹² Moisesca Aarontapish, Aaronpaj saquirishca Eleazar, Itamar shuti churicunatapish cashnami nirca: –Mandaj Diosman cuna cashcata cushpa rupachijpi saquirishcacunataca cancuna japichij. Chaicunaca Diospajlla ch'icanchishca cashcamanta, levadura illajllata altar c'uchullapi micuichij.

LEVÍTICO 10:12 Iomraidhean Croise

2 CRÓNICAS 31:14

Diospaj huasipica, inti llujshin lado pungupica, Imna shuti levitapaj churi Coremi cuidaj carca. Paimi quiquin munaihuan Diosman cushcacunata huaquichij carca. Shinallataj Mandaj Diospajlla ch'icanchishpa imata rurangapajpish, paimi chai huaquichishcacunata llujshichishpa raquij carca.

ESDRAS 7:5

Buquica Abisuapaj churimi. Abisuaca Fineespaj churimi. Fineesca Eleazarpaj churimi. Eleazarca curacunata punta pushaj Aaronpaj churimi carca.

ÉXODO 29:2

levadura illajlla tandata, aceitehuan rurashca levadura illajlla tortillata, ñañu jatun tortillatapish levadura illajllata rurashpa aceitehuan jahuata llihuingui. Chaicunataca tucuimanta yalli alli trigo cutahuan rurangui.

ÉXODO 29:33

Chai aichataca Mandaj Diospaj cura canata chasquichun paicunapaj juchamanta cushpa paicunata Mandaj Diospajlla cachun ch'icanyachinapaj cushca aicha cashcamanta shujtajcunaca pi ama micuchun curacunalla micuchun.

ÉXODO 6:23

Aaronca Aminadabpaj ushushi Elisabettami paipaj huarmi cachun japirca. Elisabetca Naasonpaj panimi carca. Elisabetca Nadab, Abiú, Eleazar, Itamar shuti churicunatami huacharca.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

LEVÍTICO 10:13

Mandaj Diosman cushpa rupachijpi saquirishcacunataca canpish, cambaj churicunapish japinapajmi. Chaicunataca Diospajlla ch'icanchishcapi micunguichij. Mandaj Diosmi ñucataca chashna mandarca.

LEVÍTICO 21:22

Chashna cashpapish Diospajlla ch'icanchishpa Diosman cushca tandata, ima shujtajcunatapish Diosman cushcacunataca micuchunlla.

LEVÍTICO 24:9

Chaicunaca Aaronpajpish, paipaj churicunapajpish huahua huahua japicunapajllami. Chaicunataca Diospajlla ch'icanchishcapi micuchun. Mandaj Diosman cushpa rupachishcaca tucuimanta yalli Diospajlla ch'icanchishca cashcamantami chaipi micuna” nircami.

LEVÍTICO 7:9

Chashnallataj sartenpi mana cashpaca cazuelapi allichishpa hornopi cusashpa Mandaj Diosman cushcacunaca chaita cuj cura japinapaj cachun.

NÚMEROS 3:2

Aaronpaj churicunapaj shuticunaca caicunami carca: Punta churica Nadab. Q'uipa churicunaca Abiú, Eleazar, Itamarmi carca.