LEVÍTICO 10:10 - Dios Rimashca Shimicunami

¹⁰ Chashna rurashpami imalla ñucapajlla ch'icanchishca cashcatapish, imalla mana ñucapaj ch'icanchishca cashcatapish yachanguichij. Shinallataj imalla mapa cashcatapish, imalla mana mapa cashcatapish yachai tucunguichij.

LEVÍTICO 10:10 Iomraidhean Croise

JEREMÍAS 15:19

Mandaj Diosca cashnami nirca: “Can ñucaman cutirijpica, ñucapish canta chasquishami. Cutin ñucata servingapaj ñuca ñaupajpi cai tucunguimi. Ima yangacunata rimanata saquishpa, alli shimicunallata rimashpaca, cutintaj ñuca ima nishcata huillanguillami. Canca ama paicunaman tigrarichu. Ashtahuanpish paicuna cambajman cutirichun saquiyari.

EZEQUIEL 22:26

Curacunapish ñuca mandashcacunata p'aquircacunami, ñucapajlla altarcunatapish mapayachircacunami. Imalla ñucapajlla ch'icanchishca cashcatapish, imalla mana ñucapaj ch'icanchishca cashcatapish, imalla mapa cashcatapish, imalla mana mapa cashcatapish manamari ch'icanpi charircacunachu. Ñuca samana punllacunatapish mana yuyarircacunachu. Chaimantami ñucataca yangapi charircacuna.

EZEQUIEL 44:23

Ñuca agllashcacunamanca imalla ñucapaj ch'icanchishca cashcatapish, imalla yanga cashcatapish yachachichun. Shinallataj imalla mapa cashcatapish, imalla mana mapa cashcatapish yachachun yachachinguichij.

LEVÍTICO 11:47

maijanlla mapa animal cashcata, maijanlla mana mapa animal cashcata, maijanlla animalcunata micuna cashcata, mana micuna cashcata yachachunmi chashna mandarca.

LEVÍTICO 13:43

Chaitaca cura alli ricuchun. Pai ricunapajca huashaman cashpa, frente ladoman cashpa ajcha mana tiyanpi p'unguishca carachayashca pucayashcaca cuerpopi lepra llujshishca shinallataj cashpaca,

LEVÍTICO 14:57

ima shina mapa cashcata, ima shina mana mapa cashcata ricuchinata yachachingapaj mandashcami. Lepra ungüimanta imallata ruranata mandashcacunaca tucui chaicunami.

Tito 1:15

Chuyacunapajca tucui imapish chuyami. Ashtahuanpish ismushca shinacunapaj, mana crijcunapajca tucui imapish mapami. Paicunapajca yuyaipish, shungupish ismushcami.