LEVÍTICO 10:1 - Dios Rimashca Shimicunami

¹ Nadab, Abiú Aaronpaj churicunaca inciensota rupachinacunata cada quiquinpajta japishpa chaicunapica ninata churashpa, chai jahuapica inciensota churashpami, Mandaj Diosman manapish cuna cashca ninahuan rupachircacuna. Mandaj Diosca chai ninahuan cuchunca nunca mana mandashcachu carca.

LEVÍTICO 10:1 Iomraidhean Croise

1 REYES 18:38

Chaipi Mandaj Diospaj nina shamushpaca Diosman cushpa tucui rupachina aichata, yantata, rumicunata, chai mirga ñutu allpatapishmi tucui chingarijta rupachirca. Altar muyundij yacutapish tucui chaquijtami rupachirca.

SALMOS 141:2

Quiquinta ñuca mañashcaca incienso shina quiquinpaj ñaupajman chayashca cachun. Ñuca maquicunata huichi chutashcapish chishicuna quiquinman cuna cashcata cushca shina cachun.

ÉXODO 24:1

Mandaj Diosca, Moisestaca: –Aarontapish, Nadabtapish, Abiutapish, israelcunata cunaj yuyajcunatapish canchis chungata pushashpa Mandaj Diospaj ñaupajman huichiyashpa carullapi cunguringuichij.

ÉXODO 24:9

Moisespish, Aaronpish, Nadabpish, Abiupish, israelcunata cunaj yuyajcuna canchis chungacunandij huichiyashpami,

ÉXODO 27:3

Chaipi imallata ruranacunatapish ushpata tandana mangacunata, palacunata, tasacunata, garfio nishca quimsa puntayujcunata, braserocunatapish tucuita broncemanta rurangui.

ÉXODO 28:1

Cambaj huauqui Aarontaca paipaj churicuna Nadab, Abiú, Eleazar, Itamarndij cambaj ñaupajman cayai. Tucui israelcunamantaca paicunami ñucapaj curacuna canga.

ÉXODO 31:11

Diospajlla cachun ch'icanyachina aceitetapish, Diospaj carpa huasipi churana mishquijllata ashnaj inciensotapish paicunami ñuca canta mandashca shinataj tucuita rurangacuna” nircami.

ÉXODO 37:29

Diospajlla cachun ch'icanchina aceitetapish, mishquijllata ashnaj ashtahuan alli inciensotapishmi rurarca. Chaitaca mishquijllata ashnaj jambicunata ruranata yachaj rurashcatapish yalli mishquijllaman ashnacujtami rurarca.

ÉXODO 38:3

Chai altarpi imallata ruranapaj cajcunataca: Mangacunatapish, tenazacunatapish, tasacunatapish, garfio nishca quimsa puntayujcunatapish, palacunatapish chaipi tucui imalla ruranacunatapish broncemantami rurarca.

ÉXODO 40:27

Mandaj Dios mandashca shinallatajmi, Moisesca chai altarpica mishquijllata ashnaj inciensota rupachirca.

ÉXODO 6:23

Aaronca Aminadabpaj ushushi Elisabettami paipaj huarmi cachun japirca. Elisabetca Naasonpaj panimi carca. Elisabetca Nadab, Abiú, Eleazar, Itamar shuti churicunatami huacharca.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

JEREMÍAS 19:5

Baalman paicunapaj huahuacunata cushpa tucui rupachingapajpishmi, altarcunata rurancuna. Chaicunata rurachunca mana mandashcanichu, mana imata nishcanichu, mana yuyarishcanillapishchu.

JEREMÍAS 32:35

Hinompaj churipaj pugru pambapipish Baalpaj altarcunata rurashpamari, tucui Judapi causajcunata juchata rurachircacuna. Chaicunapimi paicunapaj churicunata, ushushicunata Molocman cushpa rupachincuna. Chaita rurachunca, shuj shimillatapish mana mandashcanichu. Chashna millaita paicuna ruranataca mana yuyashcanillapishchu” ninmi.

JEREMÍAS 44:15

Chaita huillajpica c'ariyarcacunami. Paicunapaj huarmicuna shujtaj dioscunaman inciensota cushpa rupachij cashcata yachaj runacunapish, chaipi caj tucui huarmicunapish, Egipto llajtallapitaj caj Patros llajtapi causaj tucui Judá runacunapishmi chaipi tandalla carcacuna. Tucui chaicunami Jeremiastaca cashna nircacuna:

JEREMÍAS 44:8

Cancunaca cai Egipto llajtapi causanaman shamushpapish, cai llajta dioscunamanmari inciensota cushpa rupachinguichij. ¿Imamantataj chashna rurashpa ashtahuan p'iñachinguichigari? Chaimantamari cancunaca tucui shujtaj llajtacunapi causajcuna p'iñashpa mana ricusha nishca tucugringuichij. Yangamantamari chashna llaquipi yaicunguichij.

JEREMÍAS 7:31

Hinompaj churipaj pugru pambapi caj Tofet huaicucunapipish altarcunata rurashpami, paicunapaj churicunata, ushushicunata rupachincuna. Chaitaca manamari mandarcanichu. Chaita rurachun ninataca, mana yuyashcanillapishchu.

LEVÍTICO 16:1

Aaronpaj ishqui churicunaca Mandaj Diospajman c'uchuyashcamantami huañurca. Chai q'uipami Mandaj Diosca Moisestaca cashna mandarca:

LEVÍTICO 16:12

Chai q'uipaca Aaronca, Mandaj Diospaj ñaupajpi tiyacuj altarmanta nina brazushuan junda caj inciensota rupachinata japishpa, mishquijllata ashnacuj cutashca inciensotapish ishqui maqui jundata japishpa, ñucapajlla ch'icanchishca ucuta jarcachishca linso huashaman apachun.

LEVÍTICO 22:9

Ñuca mandashcacunata huaquichinguichij. Chai mandashcacunata, yanganchishpaca cancunallataj juchayuj tucushpami chaimantaca huañunguichij. Ñucami cancunata ima jucha illajta ruraj Mandaj Dios cani.

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

NÚMEROS 16:46

Chaipimi Moisesca, Aarontaca cashna nirca: –Mandaj Diospaj ñaupajmantaca pai yallitaj p'iñarishpa llaquichina ña llujshimushcamanta huañuica ñami callarishca. Chaimanta inciensota rupachinata japishpa altarpi lunyacuj ninata chaipi japichishpa chai jahuapica, inciensota churashpa israelcuna maipi canman utca rishpa paicunapaj juchacunamanta Mandaj Diosman cugri– nirca.

NÚMEROS 26:61

Nadabhuan, Abiuhuanca manapish rupachina ninahuan Mandaj Diosman cushpa rupachicushcamantami, Mandaj Diospaj ñaupajpi huañurca.

NÚMEROS 4:18

“Coatpaj aillu familiacunataca, levitacunapuramanta chingarichun ñataj saquinguichijman.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 17:3

ñuca ama rurangui nishcacunata, rurashcalla shujtaj dioscunapajta ruranaman, chaicunapaj ñaupajpi cungurinaman, intita, lunata, jahua pachapi tiyaj tucui luzerocunata cungurinaman rishcata yachanguichari.

DEUTERONOMIO 4:2

Ñuca mandashca shimicunataca ama mirachinguichijchu, ama anchuchinguichijchu. Chaicunataca Mandaj Dios cancunapaj Taita Dios cancunaman mandachun ñucaman cushca cashcamanta chaitataj pajtachichunmi mandani.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.